شاڵاو کۆسرەت رەسوڵ: سەرخستنی لیستی ١٤٢ بایەخی گرنگی بۆ کەرکوکییەکان هەیە

PUKMEDIA

کۆبونەوەی شاڵاو کۆسرەت رەسوڵ لەگەڵ بازنەکانی هەڵبژاردنی میحوەری چەمچەماڵ

پێش نیوەڕۆی ئەمڕۆ دووشەممە ٢٠/١١/٢٠٢٣ شاڵاو کۆسرەت رەسوڵ بە ئامادەبوونی مستەفا چاڵاوی ئەندامی سەرکردایەتی و مەلا شێخە لەگەڵ بازنەکانی هەڵبژاردنی میحوەری چەمچەماڵ کۆبووەوە.

لە کۆبوونەوەکەدا ئامادەکارییەکان و کاروباری لیژنەکان خرانە بەرباس و گفتوگۆ، هەڵسەنگاندن بۆ کارەکانی رابردوو کراو بەرنامەو پلانی پێویست دانرا بۆ بەردەوامی کاری لیژنەو تیمەکان و هەوڵدان بۆ سەرخستنی کاندیدانی یەکێتیی لە هاوپەیمانی کەرکووک هێزو ئیرادەمانە.

لەمیانی وتەیەکیدا شاڵاو کۆسرەت رەسوڵ دەستخۆشی لە تیم و بازنەکان کرد کە هەموویان پێکەوە ماندوونەناسانە کاردەکەن، داواشی کرد هەوڵی زیاتر بدرێت بۆ سەرخستنی کاندیدەکان لە لیستی ژمارە ١٤٢ی هاوپەیمانی کەرکووک هێزو ئیرادەمانە.

شاڵاو کۆسرەت رەسوڵ وتیشی: "هەڵبژاردنی ئەمجارە بۆ کورد لە کەرکووک بایەخی تایبەتی خۆی هەیە، کەرکووکییەکانیش لە هەموو کەس باشتر دەزانن کە تەنهاو تەنها یەکێتیی دەتوانێ بەرگریان لێ بکات و لە رۆژانی تەنگانە بە فریایان بکەوێت".

PUKMEDIA