riklam

سەرۆک کۆمار وخانمی یەکەم چاویان بەسەرۆک وەزیرانی ڤاتیکان دەکەوێت

کوردستان 07:44 PM - 2023-11-18
سەرۆککۆمار و خاتوو شاناز لە ڤاتیکان PUKMEDIA

سەرۆککۆمار و خاتوو شاناز لە ڤاتیکان

سەرۆککۆمار

د.لەتیف جەمال رەشید سەرۆک کۆمار و خاتوو شاناز ئیبراهیم ئەحمەد خانمی یەکەم، ئەمرۆ شەممە 18-11-2023 لە رۆما چاویان کەوت بە  پیترۆ پاولین سەرۆک وەزیرانی ڤاتیکان .

 

لە سەرەتای دیدارەکەدا باس لە پێشهاتە سیاسییە نێودەوڵەتییەکان و  کاریگەرییەکانی لەسەر سەقامگیری جیهانی کرا، سەرۆک کۆمار جەختی لە پەیوەندییە دۆستانە مێژووییەکانی نێوان عێراق و ڤاتیکان کردەوە، بەتایبەتی لەگەڵ ئەوەی عێراق ڕۆڵێکی جەمسەری دەگێڕێ لە گفتوگۆی نێوان ئایینەکان و پێکەوە ژیان و بەهۆی ئەوەی کە عێراق شوێنی پێگەیشتنی ئایینەکانە کە هەموویان هاوڕان لەسەر ڕێزگرتن لە مرۆڤ و کەرامەتی و بڵاوکردنەوەی کلتوور و بەهاکانی ئاشتی.

 

  سەرۆک کۆمار ستایشی هەڵوێستە ئەرێنییەکانی پاپا فرانسیسی کرد بەرامبەر عێراق و پرسە چارەنووسسازەکانی و ئاماژەی بەو ڕێز و پێزانینەی کۆمەڵگەی عێراقدا کرد بۆ پاپای ڤاتیکان، ئەمەش لەو پێشوازییە گەورەیەدا بەدەرکەوت لەمیانەی سەردانەکەی لەم دواییانەدا بۆ عێراق.

 

هەروەها سەرۆک کۆمار ئاماژەی بەکارە لە پێشینەکانی سەرۆکایەتی کۆمار کرد لە پاراستنی مافەکانی پێکهاتەکان و کەمایەتییەکان و ڕێزگرتن لە ئایینەکان و پاراستنی ماف وزامنکردنی نوێنەرایەتییان و دابینکردنی پشتیوانی و چاودێرییان.
بەڕێزیان ئاماژەی بە پێویستی چارەسەرکردنی کێشەکان کرد لە ڕێگەی دیالۆگ و مامەڵەکردن لەگەڵ جیاوازییەکان لە چوارچێوەی دەستوور و یاسا و مافی پێکهاتەکان.

 

سەبارەت بە بارودۆخی فەڵەستین، بەڕێزیان جەختی  لەپێویستی کۆتایی هێنان بە ئازارەکانی فەڵەستینییەکان و ڕاگرتنی پێشێلکارییەکانی یاسای نێودەوڵەتی و مرۆیییەکان کردەوە کە خەڵکی غەزە ڕووبەڕووی دەبنەوە.

 

لای خۆیەوە پیترۆ پاولین پێزانینی ڤاتیکانی بۆ پەیوەندییەکانی لەگەڵ عێراق دووپاتکردەوە بەتایبەتی لەبوارەکانی بڵاوکردنەوەی لێبوردەیی وبەرجەستەکردنی گفتوگۆی نێوان ئایینەکان،  هاوکات جەختی لەسەر پەرۆشی ڤاتیکان کردەوە بۆ بەردەوامبوونی هەماهەنگی لەگەڵ عێراق لە هەموو ئاستەکاندا.

 

هەروەها جەختی لەوە کردەوە کە ڤاتیکان هانی پێکهاتەکانی عێراق دەدات بەتایبەتی مەسیحییەکان بۆ هاوکاریکردن و هەماهەنگیکردن لەگەڵ سەرۆکایەتی ولایەنە پەیوەندیدارەکان بۆ چارەسەرکردنی ئەو کێشانەی ڕووبەڕوویان دەبنەوە.
لە دیدارەکەدا هەریەک لە ئەندامی ئەنجومەنی نوێنەران، خاتوو دیلان عەبدولغەفور، باڵیۆزی عێراق لە ڤاتیکان، بەڕێز ڕەحمان ئەلعامری و ژمارەیەک لە ڕاوێژکار و بەرپرسان ئامادەبوون.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket