ئەمڕۆ کاندیدانی هاوپەیمانی کەرکوک هێز و ئیرادەمانە دەناسێندرێن
کوردستان 09:51 AM - 2023-11-18لۆگۆی هاوپەیمانیی کەرکوک هێز و ئیرادەمانە و قەڵای کەرکوک
ئەمڕۆ لە کەرنەڤاڵێکی
فراواندا لە کەرکوک کاندیدەکانی هاوپەیمانی کەرکوک هێز و ئیرادەمانە
ژمارە ١٤٢ دەناسێندرێن و لێپرسراوی بۆردی راگەیاندنی یەکێتیی نیشتمانیی کوردستانیش
دەڵێت: "ئامادەکارییەکی زۆر باش کراوە، بەدڵنیاییەوە
لەمڕۆوە بانگەشەکەمان بە هێز و ئیرادەیەکی زیاترەوە دەستپێدەکەین". هەروەها لە کارنامەی هاوپەیمانێتی کەرکوک هێز و
ئیرادەمانە هاتووە، "هاوپەیمانێتییەکە بەرنامەیەکی کارای گشتگیریان داڕشتیووە کە پرۆژەیەکی ستراتیژییە بۆ
شێوازێکی نوێی حوکمڕانی لە کەرکوک و چارەسەرکردنی رێشەییانەی کێشەکانی ئەو شارە".
ناساندنی کاندیدانی هاوپەیمانی ١٤٢ دەستپێدەکات
لەتیف نێروەیی لێپرسراوی بۆردی راگەیاندنی یەکێتیی
نیشتمانیی کوردستان لە لێدوانێکیدا بۆ کەناڵی گەلی کوردستان رایگەیاند: "لە کەرکوکی
قودسی کوردستان ئامادەکاری دەکرێت بۆ دەستپێکردنی ناساندنی کاندیدەکانی یەکێتیی نیشتمانیی
کوردستان لە هاوپەیمانیی کەرکوک هێز و ئیرادەمانە، ئەمڕۆ مەراسیمەکە دەستپێدەکات و
ئامادەکارییەکی زۆر باش کراوە، بەدڵنیاییەوە لەمڕۆوە بانگەشەکەمان بە هێز و ئیرادەیەکی
زیاترەوە دەستپێدەکەین".
وتیشی:"هەر بەهێز و ئیرادەوە دەسەڵات لە کەرکوک
وەردەگرینەوە و کۆتایی بەو واقیعە تاڵە ناسەقامگیرە سیاسی و ئەمنییە ئیدارە پڕ لەگەندەڵییەی
شارەکە دەهێنین، بەو هێزو ئیرادەیەی دەستمان پێکردووە بە هە مان هێز و ئیرادە و سەرکەوتنێکی
زۆرەوە کۆتایی بە بانگەشەکە دەهێنین". دەشڵێت، "گەشبینین بە رۆژی دەنگدان لە
کەرکوک بەو جۆش و خرۆشەی دەیبینین لەشاری کەرکوک، بەم پێشوازییە زۆر و فراوانەی کە
جەماوەری کەرکوک لە هاوپەیمانی هێز و ئیرادەمانە دەکەن، داواش لە کۆمەڵانی خەڵکی کەرکوک
دەکەین بە هەمان جۆش و خرۆشەوە بەردەوام بن لەپشتگیری کردن لە هاوپەیمانێتتییەکەمان
و دەنگ بدەن بە هاوپەیمانی کەرکوک هێز و ئیرادەمانە".
هاوپەیمانی کەرکوک هیز و ئیرادەمانە بە ٣٠ کاندید بەشدارە
بۆ هەڵبژاردنی ئەنجومەنی پارێزگاکانی عیراق لە پارێزگای
کەرکوک ٢٤٤ کاندید بوونیان هەیە کە ١٧٧ کاندیدیان لە رەگەزی نێر و ٦٧ کاندیدیان لە
رەگەزی مێن، هەروەها بۆ هەڵبژاردنەکە پێنج حزب و ١٠ هاوپەیمانی بەشدارن.
لیستی هاوپەیمانی کەرکوک هێز و
ئیرادەمانە، کە بەژمارە ١٤٢ بەشداری هەڵبژاردنی ئەنجومەنی پارێزگای کەرکوک دەکات، ٣٠ کاندیدی هەیە، کە کەسانی پسپۆڕ و شارەزان و سەرجەمیان لەلایەن کۆمسیۆنی باڵای
سەربەخۆی هەڵبژاردنەکانی عیراقەوە پەسەند کراون، کەمەرجەکانی کاندیدبونیان تێدایە
و هیچیان پێشینەی تاوانکارییان نییە و دەستپاکن و بەعسی نەبوون.
هاوپەیمانی کەرکوک هێز و ئیرادەمانە بە پلان کێشەکانی کەرکوک چارەسەر دەکات
بەگوێرەی پەیام و
بەرنامەی هاوپەیمانی کەرکوک هێز و ئیرادەمانە، بەرنامەیەکی کارای گشتگیریان
داڕشتیووە کە پرۆژەیەکی ستراتیژییە بۆ شێوازێکی نوێی حوکمڕانی لە کەرکوک و
چارەسەرکردنی رێشەییانەی کێشەکانی ئەو شارە، کەلە دوای ریفراندۆمەوە بەهۆی بڕیارە
نایاسایی و نائیدارەییەکانی ئەو شارەوە بەرۆکی خەڵکەکەی گرتووە.
لە پەیام و بەرنامەکەشدا هاتووە، کاندیدەکانیشیان نوێنەرایەتی
سەرجەم چێن و توێژەکانی کەرکوک دەکەن و کەسانی بەئەزمون و تەکنۆکرات پێک دێنن،
کە نوێنەری جەماوەری شارەکەن.
بەگوێرەی بەرنامەکەی، هاوپەیمانی کەرکوک هێز و ئیرادەمانە بایەخ بە
حەوت بواری گرنگی کەرکوک دەدات و کە بریتین لە بواری ( ئیداری، ئەمنی، تەندروستی و
ژینگەیی، پیشەسازی و وزە، پەروەردە و خوێندنی باڵا، هونەری و وەرزشی و لاوان،
کشتوکاڵ و ئاودێری).
بۆ هەڵبژاردنی ئەنجومەنی پارێزگاکانی عیراق، هاوپەیمانی کەرکوک هێز و ئیرادەمانە بە ژمارە ١٤٢ بەشدارە و هاوپەیمانێتییەکە لە نێوان یەکێتیی نیشتمانیی کوردستان و حزبی شیوعی کوردستاندایە و هەردوولا کارنامەیەکی تۆکمە و گشتگیریان بۆ چارەسەری ریشەیی کێشەکانی کەرکوک داناوە و ئەمڕۆش کەرنەڤاڵی ناساندنی کاندیدانی هاوپەیمانێتییەکە دەستپێدەکات.
PUKMEDIA
هەواڵی زیاتر
-
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
09:16 AM - 2024-05-19 -
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
05:33 PM - 2024-05-18 -
کتێبی شەو لەكێوان ناساندنی بۆ كرا
11:36 AM - 2024-05-18
ئەمانەش ببینە
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
04:10 PM - 2024-05-18
زۆرترین خوێنراو
-
جاسوسی
بیروڕا 09:23 PM - 2024-05-18 -
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18 -
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
کوردستان 04:10 PM - 2024-05-18 -
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
کوردستان 12:33 PM - 2024-05-18 -
کتێبی شەو لەكێوان ناساندنی بۆ كرا
کوردستان 11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
ی ن ک 11:08 AM - 2024-05-18 -
ئهنجومهنی نوێنهران بۆ ههڵبژاردنی سهرۆكهكهی كۆدهبێتهوه
عیراق 09:46 AM - 2024-05-18