قوباد تاڵەبانی بۆ وەزیری دەرەوەی بەریتانیا: هاوكارتان دەبین

PUKMEDIA

قوباد تاڵەبانی و دەیڤد کامیرۆن

دەیڤد كامیرۆن دەبێتە وەزیری دەرەوەی بەریتانیا و قوباد تاڵەبانی جێگری سەرۆكوەزیرانی هەرێمیش پیرۆزبایی لێدەكات و لەپەیامێکدا پێی دەڵێت:" بەوپەڕی خۆشحاڵیەوە چاوەڕێین جارێكی دیكە هاوكاریتان بكەین".

قوباد تاڵەبانی لە ئەكاونتی خۆی لە تۆڕی كۆمەڵایەتی (X) لە پەیامێكیدا پیرۆزبایی ئاراستەی دەیڤد كامیرۆن دەكات، كە لە چوارچێوەی گۆڕانكارییە وەزارییەكانی حكومەتی بەریتانیا، ناوبراو پۆستی وەزیری دەرەوەی بەریتانیای پێدرا، بۆیە جێگری سەرۆكوەزیرانی هەرێم دەڵێت:" دەستبەكاربونتان وەك وەزیری دەرەوە كە ئەزموونێكی فراوانتان هەیە، بەها و گرنگی خۆی هەیە، كە  لەم قۆناغە دا جیهان لە نائارامیدایە".

رۆژی دوو شەممە  13ی11ی2023 ریشی سوناك سەرۆكوەزیرانی بەریتانیا گۆڕانكاری ژمارەیەك وەزارەتی لە كابینەكەیدا كرد و لەو چوارچێوەیەدا دەیڤد كامیرۆن كرا بەوەزیری دەرەوە.

هەروەها، جەیمس كلێڤەرلی وەزیری دەرەوە كرا بە وەزیری ناوخۆو سوێلا برەیڤەرمانیش لە پۆستی وەزارەتی ناوخۆ دوورخرایەوە.

دەیڤد كامیرۆن لە 11/5/ 2010 تاوەكو 13ی 7ی 2016 سەرۆكوەزیرانی بەریتانیا بوو . 

PUKMEDIA