هاوپەیمانی کەرکوک هێز و ئیرادەمانە: لە ئێستاوە زەنگی سەرکەوتن لێدرا

PUKMEDIA

هاوپەیمانی کەرکوک هێز و ئیرادەمانە

ئەمڕۆ دووشەممە ١٣-١١-٢٠٢٣  لیستی 142ی هاوپەیمانی كەركوك هێزی و ئیرادەمانە پەیامێکی بڵاوکردەوە و تێیدا رایگەیاند: "شەقامەکانی کەرکوک و دەڤەرەکانی دەوروبەری  ئاڵوواڵەیە  بە ئاڵا و  دروشم و روخساری کاندیدی گەنج و بوێر، ئازا و بە جەرگ کە تیمی ١٤٢ و بەڵێنەکانی بەرجەستە دەکەن".

دەقی پەیامەکە:

پەیامی ئەمرۆ

هەر لە ئێستاوە سەرکەوتین

هەفتەی یەکەمی هەڵمەتی هەڵبژاردنی ئەنجومەنی پارێزگاکان لە کەرکوک بە سەرکەوتوویی و سەربەرزی و لە کەشێکی خۆشی و ئاهەنگسازی تێپەڕی، تا ئێستا هاوپەیمانی کەرکوک هێز و ئیرادەمانە یەکەمی شارەکەیە و هەر لە ئێستاشەوە زەنگی سەرکەوتن لێدرا.

هەر لە ئێستاوە کەمپینی ١٤٢  شارەکەی لەگەڵ ئاڵای کوردستان و دروشمی کوردستانی بە زمانی شیرین و رەوانی کوردی و بە زمانی بەلاغەی عەرەبی بۆ پێکەوە ژیان ئاشتکردەوە و ترسی حوکمی میلیشیا و نیازی گڵاوی تەعریبی نوێباوی لە دڵی کەرکوکییە رەسەنەکان دەرکرد.

وا لەم کەمپینەدا ویستی سیاسیی ناسنامە و رەنگی کوردانە لەم شارە کە خۆی هەر هەیە و هەر رەسەنە بوژاوەتەوە .

ئەم هەفتەیە بە گوڕ وتینی یەکێتیانە و هاوپەیمانی ئیرادە و هێزی دیموکراتی هاتۆتە کۆڕی هەڵبژاردنەوە . 

سا بەڵکو خەڵکی  تریش لەم نەبەردی دیموکراتیەدا بوێرن و کەمێک ئازایەتی کوردایەتی و دیموکراتی بدەنە بەر خۆیان و ململانێ رەواکەی مێژووی کوردستانی لە ناو جەرگەی کەرکوک  گەرمتر بکەن.
لەم کەمپینە ئازادەدا.

شەقامەکانی کەرکوک و دەڤەرەکانی دەوروبەری  ئاڵوواڵەیە  بە ئاڵا و  دروشم و روخساری کاندیدی گەنج و بوێر، ئازا و بە جەرگ کە تیمی ١٤٢ و بەڵێنەکانی بەرجەستە دەکەن .

لە هەفتەی یەکەمەوە  هەڵبژاردنی کەرکوکمان بردەوە ، ماوەتەوە سەر ئەوەی جێگیری بکەین ، تاجی سەرکەوتن لەسەر قەڵا بنێین و شاییی بردنەوە بگێڕین.

PUKMEDIA