riklam

سەرۆككۆمار: هێرشەكانی سەر فەلەستین رابگیرێن

عیراق 10:21 AM - 2023-11-13
د. لەتیف جەمال رەشید سەرۆككۆماری عیراق و حەسەن شێخ مەحمود عەلی سەرۆككۆماری سۆماڵ نوسینگەی راگەیاندنی سەرۆكایەتی كۆمار

د. لەتیف جەمال رەشید سەرۆككۆماری عیراق و حەسەن شێخ مەحمود عەلی سەرۆككۆماری سۆماڵ

سەرۆککۆمار عيراق

دكتۆر لەتیف جەمال رەشید سەرۆككۆماری عیراق، لە شوێنی حەوانەوەی خۆی لەشاری ریازی پایتەختی سعودیە، پێشوازی لە حەسەن شێخ مەحمود عەلی سەرۆككۆماری سۆماڵ و وەفدی یاوەری كرد.

لە میانی دیدارەكەدا، كە لەپەڕاوێزی كۆبوونەوەكانی لوتكەی هاوبەشی عەرەبی- ئیسلامی بەڕێوەچوو، هەردوو سەرۆك باسیان لە پتەوكردنی پەیوەندییە دووقۆڵییەكان و رێگاكانی پەرەپێدانی میكانیزمی هاریكاری نێوان هەردوو وڵات بۆ خزمەتكردنی بەرژەوەندی هاوبەشی هەردوو گەلی برا كرد.

لەم چوارچێوەیەدا، سەرۆككۆمار ئاماژەی بە گرنگی چڕكردنەوەی هەوڵەكان و یەكخستنی هەڵوێستەكان كرد لەسەر پرسە جێ بایەخەكانی هەردوولا و پێكەوە كاركردن بۆ بەدیهێنانی سەقامگیری لە ناوچەكە و سەرخستنی دەرفەتەكانی ئاشتی.

سەبارەت بە دۆخی فەلەستینیش، سەرۆككۆمار جەختی لەسەر پێویستی دەستبەجێ راگرتنی دەستدرێژی دژی گەلی فەلەستین لە غەزە كردەوە. 

هەروەها هەوڵدانی بە پەرۆشی لە هەموو ئاستەكاندا بۆ كۆنتڕۆڵكردنی قەیرانەكە و لێكەوتە مرۆییەكانی و پاڵپشتیكردنی فەلەستینییەكان لە بەدەستهێنانی مافە رەواكانیان بۆ دامەزراندنی دەوڵەتی فەلەستین بە پایتەختەكەیەوە، كە قودسی پیرۆزە، دووپاتكردەوە.

لە بەرامبەردا سەرۆكی سۆماڵ خواستی وڵاتەكەی بۆ پتەوكردنی پەیوەندییەكانی نێوان هەردوو وڵات و پەرەپێدانی هاریكاریی دووقۆڵی بەشێوەیەك، كە خواستەكانی گەلی عیراق و سۆماڵ بەدیبهێنێت، دەربڕی.

 شایانی باسە هەریەك لە جێگری سەرۆك وەزیران و وەزیری دەرەوە فوئاد حسێن و ئەندامی پەرلەمان بەڕێز وەسفی عاسی و باڵیۆزی عیراق لە سعودیە، خاتوو سەفیە سوهێل ئامادەی دیدارەكە بوون.

PUKMEDIA

 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket