سەرۆكی ھاوپەیمانی خەڵكی نەینەوا: پشتیوانی پێكهاتەكانین

PUKMEDIA

كۆبوونەوەی سەرۆكی لیستی ھاوپەیمانی یەكێتی خەڵكی نەینەوا لەگەڵ چین و تویژەكان

بەڕێوەچونی بانگەشەی ھەڵبژاردنی ئەنجومەنی پارێزگاكان لە لایەن یەكێتیی نیشتمانیی كوردستانەوە لە پارێزگای نەینەوا بەردەوامی ھەیە، لەو چوارچێوەیەشدا ئاراس محەمەد ئاغا سەرۆكی لیستی ھاوپەیمانی یەكێتی خەڵكی نەینەوا لەسێ دیداری جیادا چاوی بەژمارەیەك كەسایەتی و گەنجان و چین و تویژی نەینەوا دەكەوێت.


 لە وتەكیشدا بۆ گەنجان و چالاكوانان و لایەنگرانی یەكێتی ئاراس محەمەد ئاغا رایگەیاند: "ھاوپەیمانی یەكێتی خەڵكی نەینەوا پشتگیری تەواوی پێكھاتەكانی دەشتی نەینەوا دەكات بەبێ جیاوازی و لەم روانگەیەشەوە كاندیدەكانی پێكدێت لە ھەموو پێكھاتە و ئاین و نەتەوە جیاوازەكانی شارەكە، بۆیە پێویستە ھەمووان ھەوڵی سەرخستنی لیستی ھاوپەیمانیی یەكێتی خەڵكی نەینەوا و كاندیدەكانی بدەین" .

هەر لەچوارچێوەی بانگەشە بۆ هاوپەیمانی  یەكێتی خەڵكی نەینەوا ئاراس محەمەد ئاغا و وەفدی ھاوڕێی خزمانی ئەلبوسیفیان بەسەركردەوەو رۆڵی خزمانی ئەلبوسیفی بەرزنرخاند لە ئاشتەوایی و خزمەتكردن نێو كۆمەڵگا لە دەڤەرەكە، لەبەرامبەردا بەڵێنیان دا وەك ھەمیشە لەسەر رێبازەكەی سەرۆك مام جەلال خزمەتی یەكێتی بكەن و پشتیوانی بن لەم هەڵبژاردنە".

PUKMEDIA