ئاسۆ مامەند: لەرێی هەڵبژاردنەوە دەسەڵاتیی خۆجێی کەرکوک بەدەست دەهێنینەوە

PUKMEDIA

ئاسۆ مامەند

ئاسۆ مامەند سەرپەرشتیاری کەرکوک-سەڵاحەدینی یەکێتیی نیشتمانیی کوردستان رایدەگەیەنێت :" ئەم هەڵبژاردنە بۆ کورد و کەرکوک بایەخ و گرینگی زۆری هەیە و  رێی ئەم پڕۆسەیەوە دەتوانیین سیستمی ئیداری و سیاسی کەرکوک راست بکەینەوە و دەتوانین دەسەڵاتی خۆجێی بەدەست بهێنینەوە". 


ئەم وتانەی ئاسۆ مامەند لەمیانی کۆبوونەوەیەکی فراواندا بوو،  بە ئامادەبوەنی هەڤاڵان سیروان کوێخا نەجم،  خاڵە کاکەمەند، حەمەسور دووشیوانی، مامۆستا جوامێر،  ژمارەیەک لە کاندیدانی لیستی ١٤٢ی هاوپەیمانیی کەرکوک هێزو ئیرادەمانە، و هەڤاڵانی بازنەکانی هەڵبژاردن. 

لەو کۆبوونەوە جەماوەرییە فراوانەی  کە رۆژی 11ی11ی 2023 لە پردێ بەرێوەچوو.

لەو کۆبوونەوە بەرفراوانەدا کە ژمارەیەکی بەرچاو   ئاسۆ مامەند تەئکیدی لە گریگی پڕۆسەی هەڵبژاردنی ئەنجومەنی پارێزگای کەرکوک کردەوە، و وتی:" ئەم هەڵبژاردنە بۆ کورد و کەرکوک بایەخ و گرنگی زۆری هەیە و  لە رێی ئەم پڕۆسەیەوە دەتوانین سیستمی ئیداری و سیاسی کەرکوک راست بکەینەوە، و چیتر رێگە لەو ناهەقی و غەدرانە بگرین کە دەرهەق بە نەتەوەکەمان دەکرێن". 

"بۆ ئەوەی دەسەڵاتیی خۆجێی پارێزگاکە بەدەست بهێنینەوە دەبێت هەموومان بە گڕوتینەوە بەشداری هەڵبژاردن بکەین، و دەنگ بە کاندیدانی (لیستی ژمارە ١٤٢ی هاوپەیمانیی کەرکوک هێز و ئیرادەمانە) بدەین" ئاسۆ مامەند وایوت

بە تەێکید کردەوەوە راشیگەیاند:" لیستی هاوپەیمانی کەرکوک هێز و ئیرادەمانە، گوزارشت لە ئیرادەی راستەقینەی کەرکوک و دانیشتوانە رەسەنەکەی دەکات".

هەر لە  کۆبوونەوەدا  لەلایەن کچی شەهیدی فەرماندە مەلا ئاراس، ئاڵای پیرۆزی کوردستان پێشکەش بە ئاسۆ مامەند کرا، و بەڵێنیدا وەک هەمیشە پارێزگاری لە خاکی کوردستان و ئاڵا پیرۆزەکەی بکات.

PUKMEDIA