riklam

سەرۆک کۆمار: عیراق و سوریا پەیوەندییەکی مێژووییان هەیە

عیراق 01:45 PM - 2023-11-11
سەرۆک کۆماری عیراق و سەرۆک کۆماری عەرەبی سوریا نوسینگەی راگەیاندنی سەرۆکایەتی کۆماری عیراق

سەرۆک کۆماری عیراق و سەرۆک کۆماری عەرەبی سوریا

سەرۆککۆمار

دکتۆر لەتیف جەمال رەشید سەرۆک کۆماری عیراق، لە پەراوێزی  کارەکانی کۆنگرەی لوتکەی عەرەبی لە شاری ریاز، چاوی بە بەشار ئەسەد سەرۆک کۆماری عەرەبی سوریا کەوت.

لە میانی دیدارەکەدا، کە ئەمڕۆ شەممە 11-11-2023 بەڕێوەچو، پەیوەندییەکانی نێوان هەردوو وڵات و چۆنییەتی پەرەپێدانیان و دوایین پێشهاتەکان لەسەرئاستی ناوچەیی و نێودەوڵەتی و بارودۆخی فەلەستین و دەرهاویشتەکانی دەستدرێژی بۆ سەر کەرتی غەزە، تاووتوێ کران.

سەرۆک کۆمار جەختیکردەوە لەسەر پەیوەندییە مێژووییەکانی نێوان عیراق و سوریا و پێویستی پەرەپێدانی هاریکاری لە هەموو بوارەکاندا بە شێوەیەک، کە خزمەت بە بەرژەوەندی هاوبەشی هەردوو گەلی برا بکات، هەروەها گرنگی بەردەوامبوونی پێکەوە کارکردنی بۆ بەرەنگاربونەوەی تیرۆر و توندڕەوی، دوپاتکردەوە.

هەر لە دیدارەکەدا سەرۆک کۆمار ئاماژەی بە بایەخی هەماهەنگی و راوێژ کرد سەبارەت بە پرسەکانی جێی بایەخی هەردوولا لەپێناو پتەوکردنی ئاشتی و ئاسایشی نێودەوڵەتی و هاوکات هەڵوێستی عیراقی لە پشتیوانیکردنی گەلی فەلەستین بۆ بەدەستهێنانی مافە رەواکانی و دامەزراندنی دەوڵەتێکی سەربەخۆی فەلەستین، کە قودسی پیرۆز پایتەختەکەی بێت، دوپاتکردەوە.

هەروەها هەردوو سەرۆک بە توندی سەرکۆنەی دەستدرێژییەکانیان کرد بۆسەر غەزە، کە خەڵکی سڤیل و نەخۆشخانەکان دەکرێنە ئامانج، جەختیشیانکردەوە لە پێویستی دەستبەجێ راگرتنی بۆردومانەکان و پاراستنی خەڵکی سڤیل و دڵنیابوون لە گەیشتنی یارمەتییە مرۆییەکان بە خێزانە گەمارۆدراوەکان و دابینکردنی ڕێڕەوی ئارام بۆیان.

 

هەروەها سەرۆک کۆماری سوریا هەڵوێستی نەگۆڕی وڵاتەکەی لە پاڵپشتیکردنی هەوڵەکانی عیراق بۆ پاراستنی ئاسایش و سەروەری وڵاتەکەی دەربڕی و ئاماژەیکرد بە ویستی وڵاتەکەی بۆ پتەوکردنی پەیوەندییەکانی نێوان هەردوو وڵات و هاریکاری و هەماهەنگی لە بوارە جیاجیاکاندا، ستایشی هەڵوێستەکانی عیراقیشی کرد بۆ پشتیوانیکردنی لە گەلی سوریا.

لە دیدارەکەدا فوئاد حسێن جێگری سەرۆک وەزیران و وەزیری دەرەوەی عیراق و دکتۆر ئەیمەن سوسان بریکاری وەزیری دەرەوەی سوریا ئامادەبون.
PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket