بە هەوڵی یەکێتی بڕیاری لابردنی ژمارەیەک پیتی کوردی لە کەرکوک هەڵدەوەشێتەوە

PUKMEDIA

بەڕێوەبەرایەتی خوێندنی کوردی لە کەرکوک

بە هەوڵی یەکێتیی نیشتمانیی کوردستان بڕیاری لابردنی ژمارەیەک پیتی کوردی بۆ تاقیکردنەوەکان هەڵوەشایەوە و ئەندامێکی ئەنجومەنی نوێنەرانی عیراقیش لە فراکسیۆنی یەکێتی دەڵێت، "ئەگەر زۆرینەی دەنگەکانی ئەنجومەنی پارێزگای کەرکوک بەدەستبهێنین رێگا نادەین یاساشکێنان بەردەوامبن".

سەباح حەبیب ئەندامی ئەنجومەنی نوێنەرانی عیراق لە فراکسیۆنی یەکێتی لە پشکی کەرکوک بە سایتی رەسمی یەکێتیی نیشتمانیی کوردستان PUKMEDIA ی راگەیاند: "توانیمان بە گفتوگۆ لەگەڵ بەڕێوەبەرایەتی پەروەردەی کەرکوک ئەو بڕیارەی لیژنەی تاقیکردنەوەکان هەڵبوەشێنینەوە کە باسی لە لابردنی چەند پیتێکی کوردی دەکرد".

"هەوڵەکانمان بۆ خزمەتی کورد لە کەرکوک بەردەوامی هەیە و ئەگەر بتوانین زۆرترین کاندیدی هاوپەیمانی کەرکوک هێز و ئیرادەمانە بنێرینە ئەنجومەنی پارێزگاکە، بێگومان کاری باشتر دەکرێت و رێگری لە یاساشکێنان دەکرێت"، سەباح حەبیب وادەڵێت.

دوای ئه‌وه‌ی په‌روه‌رده‌ی كه‌ركوك به‌ نوسراوێك کەئاڕاستەی قوتابخانەکانی كردبوو و تێیدا داوایكرد كه‌ ئەم پیتە کوردییانە (پ،ژ،ڤ،چ،گ،ۆ،ڵ،ێ،ڕ،ک) لە ئامادەکاری لیستی ناوی خوێندکارانی پۆلی شەشی سەرەتایی بەکار نەهێنن و له‌بری ئه‌و پیته‌ كوردیانه‌ پیتی عه‌ره‌بی به‌كاربهێنن، به‌ هه‌وڵی یاریده‌ده‌ری به‌ڕێوه‌به‌ری په‌روه‌رده‌ی كه‌ركوك و سه‌باح شێخ حه‌بیب ئەندامی‌ ئه‌نجومه‌نی نوێنه‌رانی عیراق  لە پارێزگای کەرکوک توانرا ئه‌و بڕیاڕه‌ هه‌ڵبوه‌شێندرێته‌وه‌ و كاری پێنه‌كرێت.
PUKMEDIA