شاڵاو كۆسرەت رەسوڵ: هەڵبژاردنی ئەمجارەی كەركوك لەپێناو پاراستنی ناسنامەكەیدایە

PUKMEDIA

كۆبوونەوەی شاڵاو كۆسرەت رەسوڵ لەگەڵ ئەفسەران و چین و توێژە جیاوازەكان لە چەمچەماڵ

رۆژی ٩/١١/٢٠٢٣  شاڵاو كۆسرەت رەسوڵ لەگەڵ ئەفسەرانی سنوورەكەو چین و توێژە جیاوازەكان لە چەمچەماڵ كۆبووەوە.

لەمیانی كۆبوونەوەكانیدا شاڵاو كۆسرەت رەسوڵ سەرەڕای جەختكردنەوە لە بەشداری هەمووان لە پڕۆسەی هەڵبژاردنی ئەنجومەنی پارێزگاكان رایگەیاند: "هەڵبژاردنی ئەمجارەی كەركوك و ناوچە كوردستانییەكان لەپێناو پاراستنی ناسنامەی كوردستانی ناوچەكەیەو دەبێت هەموو كوردێك بە گڕوتینەوە بەشداری بكات".

وتیشی: "لە راپەڕینەوە بۆ رزگاركردنی كەركوك لە رژێمی بەعس و  لە شەڕ بەرامبەر تیرۆرستان و بەرگریكردن لە شارەكە یەكێتی هەمیشە پێشەنگ بووەو بەخوێن كەركوك و كەركوكییەكانی پاراستووە، بۆ قۆناغی داهاتووش بەهەمان ئیرادەوە لەرێگای نوێنەرەكانی كەركوك دەپارێزێت و داكۆكی لێدەكات"، بۆیە" ئەركی هەمووانە دەنگ بدەن بە لیستی ١٤٢ی هاوپەیمانی كەركوك هێزو ئیرادەمانەو كاندیدانی یەكێتی لە لیستەكە".

هەمان رۆژ شاڵاو كۆسرەت رەسوڵ سەردانی ماڵی شەهید بێستوونی شەهید نازمی كرد.

PUKMEDIA