یەكێتی سكاڵا لەسەر شێواندنی پۆستەری كاندیدەكانی تۆمار دەكات
کوردستان 03:08 PM - 2023-11-08شێواندنی پۆستەری كاندیدانی یەكێتی لە كەركوك
كاندیدەكانی یەكێتیی نیشتمانیی كوردستان بۆ بەشداریكردنی هەڵبژاردنی ئەنجومەنی پارێزگاكانی عیراق، دەستیان بە بانگەشەی هەڵبژاردنەكان كردووە، بەڵام زۆرێك لەپۆستەری لیست و كاندیدەكانی لە پارێزگای كەركوك و چەند ناوچەیەكی دیكە شێوێندراون و دڕێندراون، بۆ ئەو مەبەستەش یەكێتی سكاڵا لەسەر شێواندنی پۆستەری كاندیدەكانی تۆمار دەكات، كۆمسیۆنی باڵای سەربەخۆی هەڵبژاردنەكانی عیراقش سزای بۆ ئەو جۆرە سەپێچییە داناوە كە زیندانیكردن و غەرامەكردنی داراییە.
بەگوێرەی ئەو وێنە و بەڵگانەی بۆ سایتی PUKMEDIA نێردراون، ژمارەیەك لە پۆستەری كاندیەكانی هاوپەیمانی كەركوك هێز و ئیرادەمانە شێوێندراو و دڕێندراون، هەروەك بەپێی مادەی (٤٢) لە یاسای ژمارە(٣٦) ساڵی ٢٠٠٨ی هەڵبژاردنی ئەنجومەنی پارێزگا و قەزاو ناحیەكان، سزا بۆ ئەو جۆرە پێشێلكارییانە دیاریكراوە كە (هەركەسێك بە مەبەست هێرش بكاتە سەر وێنەی كاندیدەكان یان بەرنامەكانیان كە لەو شوێنانەی بۆیان دیاریی كراوە بەناوی لایەنێكی تر یان لایەنێكی دیاریكراوەوە بە مەبەستی زیانگەیاندن بەم كاندیدە یان دروستبوونی كاریگەری خراپ لەسەر كاندیدەكە، سزای زیندانی دەكرێت كە بۆ ماوەی مانگێك كەمتر نەبێت و لە ساڵێك زیاتر نەبێت).
هەر بەپێی ئەو ماددەیە سەپێچیكار ( غەرامە دەكرێت كە لە یەك ملیۆن دینار كەمتر نەبێت و لە پێنج ملیۆن دینار زیاتر نەبێت) لەبارەی بەڕێوەچوونی پرۆسەی هەڵبژاردن، یان هەركەسێك دەستدرێژی بكاتە سەر ئامرازە ڕێگەپێدراوەكانی پڕوپاگەندەی هەڵبژاردن بە هەر هۆكارێك بێت، وەك سڕینەوە، دڕاندن، یان هەر كارێكی لەو جۆرە) سزاكە دەیگرێتەوە.
داوای دەستگیركردنی گێرەشێوێنان دەكرێت
عەلی محەمەد ئەمین لێپرسراوی سەنتەری هەڵبژاردنی كەركوك-سەڵاحەدینی یەكێتی بە سایتی رەسمی یەكێتیی نیشتمانیی كوردستان PUKMEDIA ی راگەیاند: "سكاڵا لەسەر ئەو پێشێلكاریانەی كە بەرامبەر كاندیدەكەمان لە كەركوك كراوە، لەلای كۆمسیۆنی باڵای سەربەخۆی هەڵبژاردنەكانی عیراق تۆمار دەكەین و داوادەكەین، ئەو گێرەشێوێنانە دەستگیربكرێن و روبەڕووی یاسا بكرێنەوە".
"بۆ ئەو مەبەستەش بەڵگەكانمان كۆكردووەتەوە و ئاڕاستەی لایەنی پەیوەندیداری دەكەین، ئەگەر كەسێك یان لایەنێك بیەوێت بەم شێوەیە كاریگەری لەسەر دەنگدەر و كاندیدەكانمان دروست بكەن لە هەڵەدان و دەنگدەرانی كەركوك باش دەزانن كێ شارەكەی جێنەهێشتووە و بەرگری لێكردووە" عەلی محەمەد ئەمین وادەڵێت.
پاكی و بەتوانایی كاندیدانی یەكێتی ناحەزانی تووشی شۆك كردووە
یەكێتیی نیشتمانیی كوردستان كەسانی شیاو و سەركەوتووی بۆ هەڵبژاردنی ئەنجومەنی پارێزگاكان كاندید كردووە، هەر ئەمەش وایكردووە ناحەزان ریكلام و پۆستەرەكانیان لەسەر شەقامەكانی كەركوك بشێوێنن، بێگومان ئەو هەوڵە ترسنۆكانەیەش نەك كاندیدانی یەكێتی سارد ناكاتەوە بەڵكو گڕوتێنێكی نوێیان پێدەبەخشێت.
لەو بارەیەوە شاهۆ یونس كاندیدی ژمارەی ٢٣ی یەكێتیی نیشتمانیی كوردستان لە هاوپەیمانی كەركوك هێز و ئیرادەمانە كە ژمارەكەی ١٤٢ە، بە سایتی رەسمی یەكێتیی نیشتمانیی كوردستان PUKMEDIA ی راگەیاند: "سەركەوتنی هاوپەیمانی و كاندیدەكانمان لەناو خەڵكی كەركوكدا ناحەزانمانی توشی شۆك كردووەو پەنایان بۆ دڕاندن و شێواندنی ریكلام و پۆستەرەكانمان لەسەر شەقامەكان بردووە، بەڵام ئەم كارە چەواشەكارییە نەك هەر ساردمان ناكاتەوە بەڵكو گڕوتینێكی زیاتری بە كاندیدانی هاوپەیمانی كەركوك هێز و ئیرادەمانە داوە".
"من وەك كاندیدێك كە زۆرترین پۆستەر و ریكلامەكانم لە شاری كەركوك شێوێنراون، ناڕەزاییم ئاڕاستەی مەكتەبی هەڵبژاردنی یەكێتیی نیشتمانیی كوردستان كردووەو ئەگەر پیویست بكات دەزگای هەڵبژاردن سكاڵای یاسایی لە كۆمسیۆنی باڵای هەڵبژاردنەكانی عیراق تۆمار دەكات"، شاهۆ یونس وای وت.
پێشتر كۆمسیۆنی باڵای سەربەخۆی هەڵبژاردنەكانی عیراق ناوی ئەو كاندیدانەی بڵاوكردەوە كە لەیاسای لێپرسینەوەی دادوەریدا دەرنەچوون، لەكاتێكدا هیچ كاندیدێكی یەكێتیی نیشتمانیی كوردستانی تێدا نەبوو، كە ژمارەیان 112 كاندیدە و بەسەر پارێزگاكانی، كەركوك، نەینەوا، دیالە، سەڵاحەدین، بەغدا دا دابەشكراون.
دوێنێ ٧-١١-٢٠٢٣ دادگای فیدراڵی لە راگەیەندراوێكدا لەسەرجەم پارێزگاكان هێزە ئەمنییەكانی راسپارد، هەر كەسێك پێشێلكاری بەرامبەر پۆستەر و ریكلامی كاندید و لیست و قەوارەكان بكات، دەستگیری بكەن و روبەرووی یاسای بكەنەوە.
ماوەی چەند رۆژێكە هەوڵێكی شكستخواردوو لە پارێزگا جێناكۆكەكان بەتایبەت لە پارێزگای كەركوك، كاندیدانی یەكێتیی نیشتمانیی كوردستان كەلە چوارچێوەی هاوپەیمانی كەركوك هێز و ئیرادەمانە، كراونەتە ئامانج و ریكلام و پۆستەرەكانیان دەشێوێندرێت، ئەمەش گڕوتینێكی نوێی بە كاندیدەكانی یەكێتی بۆ هەڵبژاردن داوەو وەك خۆشیان دەڵین: "ئەو هەوڵە شكستخواردووانە ساردمان ناكاتەوە".
PUKMEDIA
هەواڵی زیاتر
-
قوباد تاڵەبانی: دواخستنی هەڵبژاردن زیان بە شەرعییەتی هەرێم دەگەیەنێت
06:07 PM - 2024-05-09 -
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
12:01 PM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08
ئەمانەش ببینە
کوردستان 08:59 PM - 2024-05-09 قوباد تاڵەبانی بۆ وەفدێکی ئەمریکا: پەکخستنی هەڵبژاردن هەرێم دەخاتە مەترسییەوە
هەڵوێستی یەکێتی راستگۆ و نەگۆڕە لەسەر هەڵبژاردن
04:33 PM - 2024-05-09
سەرۆک بافڵ: پەیوەندییەکانمان بۆ بەرژەوەندییە نیشتمانییەکانە
03:31 PM - 2024-05-09
پهرلهمان بۆ ههڵبژاردنی سهرۆك پشووهكهی دوادهخات
12:30 PM - 2024-05-09
لێپرسراوی ناوهندی یاسایی یهكێتی: نیهتی پارتی دواخستنی ههڵبژاردنه
09:39 AM - 2024-05-09
زۆرترین خوێنراو
-
هاوخەمی سەرۆک بافڵ بۆکۆچی دوایی خاتوو نازەنین
پرسەنامە 03:02 PM - 2024-05-09 -
هەڵوێستە نەگۆرەکانی یەکێتی لە واشنتۆنەوە
بیروڕا 02:46 PM - 2024-05-09 -
پهرلهمان بۆ ههڵبژاردنی سهرۆك پشووهكهی دوادهخات
کوردستان 12:30 PM - 2024-05-09 -
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
کوردستان 12:01 PM - 2024-05-09 -
هاوخەمی قوباد تاڵەبانی بۆ کۆچی دوایی خاتوو نازەنین
پرسەنامە 10:49 AM - 2024-05-09 -
لێپرسراوی ناوهندی یاسایی یهكێتی: نیهتی پارتی دواخستنی ههڵبژاردنه
کوردستان 09:39 AM - 2024-05-09 -
بۆچی دەبێ لەگەڵ دوژمنانیش بچینە دیالۆگەوە
بیروڕا 08:58 AM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
کوردستان 10:07 PM - 2024-05-08