سەرۆکی دامەزراوەی سەرۆک جەلال تاڵەبانی سەردانی زانکۆی نێودەوڵەتی تیشک دەکات

هەژماری تایبەتی دامەزراوەی سەرۆک جەلال تاڵەبانی لە فەیسبوک

سەردانی وەفدی دامەزراوەی سەرۆک جەلال تاڵەبانی بۆ زانکۆی نێودەوڵەتی تیشک لە سلێمانی

رۆژی سێشەممە رێکەوتی ٧ی تشرینی دووەمی ٢٠٢٣ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی و وەفدی یاوەری سەردانی زانکۆی نێودەوڵەتیی تیشک- سلێمانی-یان کرد و لەلایەن پ. د. خدر مەعسوم هەورامی، سەرۆکی زانکۆی نێودەوڵەتیی تیشک- سلێمانی-یەوە پێشوازیان لێکرا.

لە دیدارێکدا سەرۆکی دامەزراوەی سەرۆک جەلال تاڵەبانی پیرۆزبایی خۆی و دامەزراوەکەی لە پ. د. خدر مەعسوم هەورامی کرد بەبۆنەی وەرگرتنی پۆستی سەرۆکی زانکۆی نێودەوڵەتیی تیشک- سلێمانی.

لە بەشێکی دیکەی دیدارەکەدا هەردوولا باسیان لەسەر بەردەوامی پەیوەندیی نێوان دامەزراوەی سەرۆک جەلال تاڵەبانی و زانکۆی نێودەوڵەتیی تیشک کرد کە لە داهاتوودا هەماهەنگ و هاریکاری یەکدی بکەن لە بوارەکانی رۆشنبیری، کەلتووری، زانستی، گەشەی مرۆیی و ژینگە.
PUKMEDIA