کاندیدانی یەکێتی لە کەرکوک ماددەی ١٤٠ بە پارێزەری مافی پێکهاتەکان دەزانن
کوردستان 05:06 PM - 2023-11-05قەڵای کەرکوک و لۆگۆی هاوپەیمانیی کەرکوک هێز و ئیرادەمانە
کاندیدەکانی یەکێتیی نیشتمانیی کوردستان لە هاوپەیمانی کەرکوک هێز و ئیرادەمانە دژی کاندیدێکی هاوپەیمانی عروبە لەبارەی دەستنیشانکردنی پارێزگارێکی عەرەب بۆ شارەکە و رێگری لە جێبەجێکردنی ماددەی ١٤٠ و گەڕانەوەی پێشمەرگە و کورد بۆ شارەکە دەوەستنەوە و داوادەکەن ماددەی ١٤٠ کە ماددەیەکی دەستووریە و مافی سەرجەم پێکهاتەکانی تێدا پارێزراوە جێبەجێ بکرێت.
بە یاسا رێگری لە یاساشکێنان دەکرێت
ئازاد شەریف کاندیدی
ژمارە ١٥ی یەکێتیی نیشتمانیی کوردستان لە
هاوپەیمانی کەرکوک هێز و ئیرادەمانە بە ژمارە ١٤٢ بە سایتی رەسمی یەکێتی PUKMEDIA ی راگەیاند:
"هەموو هەوڵیکی تەعریب و تەرحیل لە پارێزگای کەرکوک رەتدەکەینەوە و بە یاسا و
دەستوور رووبەڕووی هەموو ئەو هەوڵانە دەبینەوە کە پشتیوانی لە پێشێلکردنی یاسا و بڕیاری
تاکڕەوی دەکەن".
"کەرکوک شارێکی کوردستانییە
و هیچ کەسێک مافی ئەوەی نییە کورد لەوشارە دەربکات و ئەو کوردانەی گەڕاونەتەوە شارەکە
مافی خۆیانە لە شوێنی نیشتەجێبوونی باو و باپیرانیان درێژە بە ژیان بدەن و هەر بیانویەک بۆ دەرکردنی ئەو کوردانە هەبێت رێگر
دەبین و رەتیدەکەینەوە"، ئازاد شەریف وادەڵێت.
دەبێت پشت بە ماددەی ١٤٠ ببەسترێت
کاندیدانی یەکێتی لە هاوپەیمانی کەرکوک هێز و ئیرادەمانە دژی تەعریب و تەرحیل لە کەرکوک دەوەستنەوە و جێبەجێکردنی ماددەی ١٤٠یش بە زامنی مافی پێکهاتەکان دەزانن.
فەرهاد عومەر کەریم کاندیدی
ژمارە ٢٩ی یەکێتیی نیشتمانیی کوردستان لە
هاوپەیمانی کەرکوک هێز و ئیرادەمانە بە ژمارە ١٤٢ بە سایتی رەسمی یەکێتی PUKMEDIA ی راگەیاند:
"ماددەی ١٤٠ ماددەیەکی دەستوورییە و دەبێت بۆ ناوچە جێناکۆکەکان پشتی
پێببەستین و بەپێی ماددەکە پۆلیسی ناوخۆیی ئارامی ناو پارێزگاکە دەپارێزێت و هیچ
هێزێکی دیکەی سەربازی بۆی نییە بێتە ناو پارێزگای کەرکوک، ئەمەش لەپێناو ئەوەی هیچ
هێزێک بۆی نەبێت دەستدرێژی بکاتە سەر پێکهاتەکان".
"هەر هەوڵیک لە
دەرەوەی یاسا و ماددەی ١٤٠ بێت وەک کاندیدانی یەکێتی لە کەرکوک رەتیدەکەیەنەوە و ئەو
کوردانەشی گەڕاونەتەوە سەر ماڵوحاڵی خۆیان، ئەو کوردانەن کە پێشتر لەلایەن رژێمی
بەعسەوە تەرحیل کراون و پاشان لەدوای روخانی رژێم گەڕاونەتەوە سەر ماڵوحاڵی خۆیان،
بەڵام ئەوەی پێویسە رێگری لێبکرێت ئەو تەعریبە زۆرەیە کە لەدوای ١٦ی ئۆکتۆبەرەوە
دەکرێتە سەر شارەکە و عەرەبی هاوردە دەهێنرێتە ناو کەرکوک"، فەرهاد عومەر
کەریم وادەڵێت.
ئەمەش لەکاتێکدایە، عەزام
حەمەدانی کاندیدی هاوپەیمانی عروبە کە هاوپەیمانییەکی عەرەبییە لە شاری کەرکوک بۆ
کەناڵەکانی راگەیاندن ئاماژەی بەوەداوە: "پێویستە رێگری بکرێت لە گەڕانەوەی
پێشمەرگە بۆ شاری کەرکوک و رێگا نەدرێت ماددەی ١٤٠ جێبەجێ بکرێت، هەروەها ئەو کاندیدەی
هاوپەیمانی عروبە بەرامبەر گەڕانەوەی کوردە رەسەنەکانی کەرکوک بۆ زێدی خۆیان ئاماژە
بەوەدەکات، بە هەموو شێوەیەک رێگری دەکەین لە گەڕانەوەی ئەو کوردانە و رێگا نادەین
کورد بگەڕێتەوە شارەکە".
PUKMEDIA
هەواڵی زیاتر
-
قوباد تاڵەبانی: دواخستنی هەڵبژاردن زیان بە شەرعییەتی هەرێم دەگەیەنێت
06:07 PM - 2024-05-09 -
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
12:01 PM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08
ئەمانەش ببینە
فراکسیۆنی یەکێتی داوای قەرەبووی زیانلێکەوتوانی بازاڕی قەیسەری هەولێر دەکات
11:55 AM - 2024-05-10
داهاتی هەفتەی رابردووی سلێمانی زیاتر لە 10 ملیار دینارە
09:06 AM - 2024-05-10
قوباد تاڵەبانی بۆ وەفدێکی ئەمریکا: پەکخستنی هەڵبژاردن هەرێم دەخاتە مەترسییەوە
08:59 PM - 2024-05-09
هەڵوێستی یەکێتی راستگۆ و نەگۆڕە لەسەر هەڵبژاردن
04:33 PM - 2024-05-09
زۆرترین خوێنراو
-
هاوخەمی قوباد تاڵەبانی بۆ کۆچیدوای مام سەعید
پرسەنامە 04:38 PM - 2024-05-10 -
هاوخەمی کۆسرەت رەسوڵ بۆ کۆچیدوایی سەعید عەبدوڵا بەگ
پرسەنامە 04:28 PM - 2024-05-10 -
لە سلێمانی کۆنفراسی گەڕانەوەی ئاوارە دەکرێت، لە هەلێر و دهۆکیش رێگری
کوردستان 03:23 PM - 2024-05-10 -
فراکسیۆنی یەکێتی داوای قەرەبووی زیانلێکەوتوانی بازاڕی قەیسەری هەولێر دەکات
کوردستان 11:55 AM - 2024-05-10 -
داهاتی هەفتەی رابردووی سلێمانی زیاتر لە 10 ملیار دینارە
کوردستان 09:06 AM - 2024-05-10 -
قوباد تاڵەبانی بۆ وەفدێکی ئەمریکا: پەکخستنی هەڵبژاردن هەرێم دەخاتە مەترسییەوە
کوردستان 08:59 PM - 2024-05-09 -
هاوخەمی سەرۆکی یەکێتی بۆ شێخ میقداد
پرسەنامە 07:56 PM - 2024-05-09 -
هاوخەمی قوباد تاڵەبانی بۆکۆچی دوایی خاتوو زەینەب
پرسەنامە 06:12 PM - 2024-05-09