یەكێتی خزمەت دەكاتە چەقی كاركردن
کوردستان 09:13 AM - 2023-10-19لۆگۆی یەكێتی و نەخشەی عیراق و كوردستان
یەكێتیی نیشتمانیی كوردستان وەك هەمیشە لەسەر رێبازی سەرۆك مام جەلال، جەختی لە یەكدەنگی و یەكڕیزی لایەنە كوردستانییەكان لەپێناو خزمەتی خەڵكی هەرێمی كوردستان كردووەتەوە، لەدوای پێنجەمین كۆنگرەشەوە بڕیاریداوە بۆ ئەو مەبەستە دەستپێشخەری زياتر بكات و سەردانی لایەنەكان بكات.
بافڵ جەلال تاڵەبانی سەرۆكی یەكێتیی نیشتمانیی كوردستان لە پانێڵێكی دیداری مێری بەناونیشانی (سیستمی سیاسی و دەوڵەتسازی لە عیراق) رایگەیاند: "ئێمە دەتوانین لە بەغداوە خزمەتی كوردستان بكەین، بەڵام واباشترە سەرجەم حزبە كوردستانییەكان بەیەكەوە بچین بۆ بەغدا و كار بۆ پشتیوانیی حكومەتی هەرێم بكەین، پێموایە ئەگەر حزبەكان یەكڕیز بن، حكومەت بەهێزتر دەبێت، هەروەها دەتوانین دۆخی ژیانی خەڵك باشتر بكەین، لەم روانگەیەشەوە دەتوانین خزمەتی زیاتری خەڵكی خۆمان بكەین".
یەكڕیزی زامنی ماف و شایستە داراییەكانی هەرێم دەكات
خزر مستەفا ئەندامی سەركردایەتی یەكێتی لە لێدوانێكیدا بۆ سایتی رەسمی یەكێتیی نیشتمانیی كوردستان PUKMEDIA رایگەیاند: "هەموو كات یەكدەنگی و یەكڕیزی حزبە كوردستانییەكان لە بەرژەوەندی خەڵكی هەرێمی كوردستان بووە، ئەگەر لە رابردووشدا ئەو یەكڕیزییە كاڵ بووبێتەوە، ئێستا لە دوای پێنجەمین كۆنگرە یەكێتی هەوڵی كاراكردنەوەی ئەو یەكڕیزییە دەدات".
"بە یەكدەنگی و یەكڕیزی دەتوانین ماف و شایستە داراییەكانی هەرێمی كوردستان زیاتر لە بەغدا جێگیر بكەین، چونكە بینیمان لە ئێستادا كە وەفدی حكومەتی هەرێم پێكهاتووە لە بەشداربووانی حكومەت و سەردانی بەغدا دەكەن، دەستكەوتی زیاتر بەدەستدەهێنن و كێشەكانیش باشتر چارەسەر دەكرێن" خزر مستەفا وادەڵێت.
ئەندامەكەی سەركردایەتی یەكێتیی نیشتمانیی كوردستان وتیشی: "یەكێتی بۆ ناوخۆی كوردستان و عیراقیش یەكدەنگی و یەكڕیزی دەوێت، لەو چوارچێوەیەشدا لە داهاتوودا لە رێگای وەفدێكی باڵاوە ئەم پەیامەی یەكێتی دەگەیەندرێتە سەرجەم لایەنە كوردستانییەكان، لەو روانگەیەشەوە چارەسەركردنی كێشەكانی نێوان هەولێر و بەغدا و باشتركردنی ژیانی خەڵك ئاسانتر دەبێت".
كۆدەنگی، كورد لە بەغدا بەهێزتر دەكات
یەكدەنگی و یەكڕیزی حزبە كوردستانییەكان لەبارەی شایستەكانی هەرێم بە پێویست دەزانرێت، چونكە دەبێتە پارێزەری مافەكانی گەلی كورد و بەدەستهێنانی دەستكەوتی زیاتر و بەهێزی پێگەی كورد لەبەغدا.
لەوبارەیەوە هەرێم كەمال ئاغا سەرۆكی فراكسیۆنی یەكێتیی نیشتمانی كوردستان لە ئەنجومەنی نوێنەرانی عیراق بە سایتی رەسمی یەكێتی PUKMEDIA ی راگەیاند: "كۆبوونەوەی وەفدی حكومەتی هەرێم لەگەڵ سەرۆكی فراكسیۆنە كوردستانییەكان لە ئەنجومەنی نوێنەران، كۆدەنگیمان لەسەر جیاكردنەوەی مووچە و بودجە و شایستە داراییەكانی هەرێم لە ململانێ سیاسییەكان، یەكڕیزیمان دەردەخات".
"پێویستە حزبە كوردستانییەكان لەبارەی شایستەكانی هەرێمەوە زیاتر یەكدەنگ و یەكڕیزبن، ئەمەش رەنگدانەوەی لەنێوان فراكسیۆنە كوردستانییەكانی ئەنجومەنی نوێنەران دەبێت و لە پەرلەمان كورد بەهێزتر دەبێت" هەرێم كەمال ئاغا وادەڵێت.
هەوڵە بەردەوامەكانی یەكێتیی نیشتمانیی كوردستان بۆ یەكڕیزی و كۆدەنگی و خزمەت و چارەسەری كێشەكان لەسەر ئاستی هەرێم و عیراق وایكردووە حزب و لایەنەكان چاوەڕوانی زیاتریان لەوبارەیەوە لە یەكێتی هەبێت، هەروەك بۆ سەركەوتنی پێنجەمین كۆنگرە و هەڵبژاردنەوەی بافڵ جەلال تاڵەبانی وەك سەرۆكی یەكێتی و هەڵبژاردنی ئەندامانی سەركردایەتی زیاتر لە 30 حزب و لایەنی كوردستانی و عیراقی، وێڕای پیرۆزبایی ئاماژەیان بەوە كرد، چاوەڕوانی زیاتریان بۆ خزمەتی خەڵك و چارەسەری كێشەكان لەیەكێتی نوێ هەیە.
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
هەموومان لەسەر مەزاری عادل موراد دەبین
04:16 PM - 2024-05-17 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16
ئەمانەش ببینە
دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات
01:01 PM - 2024-05-17
ئەنجومەنی نوێنەران سەرۆکێکی نوێ هەڵدەبژێرێت
10:38 AM - 2024-05-17
داهاتی هەفتەی رابردووی سلێمانی نزیکەی 11 ملیار دینارە
08:47 AM - 2024-05-17
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
زۆرترین خوێنراو
-
ناسر عەبدولنەبی محەمەد کۆچی دوایی کرد
پرسەنامە 07:25 PM - 2024-05-17 -
سەرۆک بافڵ: پێویستمان بە هەڵبژاردنێكی بێگەردە
کوردستان 06:45 PM - 2024-05-17 -
باخەکانی خانەقی لەنێوان مێژوو... یادەوەریی دا
بیروڕا 04:26 PM - 2024-05-17 -
هەموومان لەسەر مەزاری عادل موراد دەبین
ی ن ک 04:16 PM - 2024-05-17 -
مەعلوم ئەمە (خەبات) نییە
بیروڕا 03:05 PM - 2024-05-17 -
دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات
کوردستان 01:01 PM - 2024-05-17 -
ئەنجومەنی نوێنەران سەرۆکێکی نوێ هەڵدەبژێرێت
عیراق 10:38 AM - 2024-05-17 -
د.ئەرسەلان بایز کتێبێکی نوێ بڵاودەکاتەوە
کوردستان 09:47 AM - 2024-05-17