سەرۆک کۆمار چاوی بە هاوتا ئیتاڵییەکەی دەکەوێت

نووسینگەی راگەیاندنی سەرۆکایەتی کۆمار

سەرۆک کۆماری عیراق و سەرۆک کۆماری ئیتاڵیا

سەرۆک کۆمار د.لەتیف جەمال رەشید، ئەمڕۆ سێشەممە 17-10-2023، لە کۆشکی سەرۆکایەتی لە رۆما، چاویکەوت بە سەرۆک کۆماری ئیتالیا، سێرجیۆ ماترێلا.

لە میانی دیدارەکەدا پەیوەندی دۆستانەی نێوان هەردوو وڵات و کۆمەڵێک دۆسیەی جێ بایەخی هەردولا تاوتوێ کران، هەروەک سەرۆک جەختی لە بەهێزی پەیوەندییەکانی نێوان عیراق و ئیتالیا کردەوە، لەگەڵ پەرۆشی فراوانکردنی هاریکاری نێوانیان شێوەیەک کە خزمەت بە بەرژەوەندییە هاوبەشەکانی هەردو گەلی دۆست بکەن.

هەروەها سەرۆک کۆمار، باسی گرنگی یەک هەڵوێستی نێودەوڵەتی کردەوە بۆ بەرنگاربونەوەی مەترسیەکانی گۆڕانکاری ئاوهەوا و بەبیابانبوون و وشکەساڵی و کارکردنی هاوبەش بۆ دۆزینەوەی ریگاچارەی گونجاو بۆ قەیرانی ئاو کە رووبەڕوی جیهان بوەتەوە و عیراقیش یەکێکە لەو وڵاتانەی دوچاری کەم ئاوی هاتوە و کاریگەری لەسەر ژیانی زۆربەی عیراقییەکان کردوە.

سەروک کۆمار هیوای خواست کە بگەن بە لێکتێگەیشتن لەگەڵ وڵاتانی دراوسێ بە مەبەستی زامنکردنی پشکی دادپەروەرانەی ئاو کە بەشی پێداویستیەکانی ئاودێری وخواردنەوە بکات، دوپاتیشی لەوە کردوە کە حکومەتی عیراق پلانێکی داڕشتوە بۆ باشترکردنی سیستمی بەڕیوبردن و کەمکردنەوەی بەفیڕۆدانی ئاو.

هەروەها باس لەدواین پێشهاتەکانی فەلەستین کرا، سەرۆک کۆمار هەڵوێستی نەگۆڕی عیراقی لە پشتیوانیکردن دۆزی فەلەستین دوپات کردەوە و سەرکۆنەی پێشێلکارییەکانی دژی گەلی فەلەستینی کردو دوپاتی لە مافی فەلەستینییەکان کرد لە دامەزراندنی دەوڵەتەکەیان لە کەشێکی  ئاشتی و ئاسایشدا.

لای خۆیەوە سەرۆکی ئیتالیا ئاماژەی بە پێویستی پەرەپێدانی پەیوەندییە دووقۆڵییەکان و فراوانکردنی ئاسۆی هاریکاری لە ئاستە جیاجیاکاندا کرد بە شێوەیەک کە خزمەت بە بەرژەوەندییە هاوبەشەکان بکات.

 هاوکات سەرۆک ماترێلا هەڵوێستی وڵاتەکەی دوپات کردەوە لە پشتیوانیکردنی عیراق بەتایبەتی لە چەسپاندن و پتەوکردنی ئاسایش و سەقامگیری وڵات و ستایشی رۆڵی جەمسەری عیراقی کرد لە نزیککردنەوەی دیدگەی نێوان وڵاتانی ناوچەکە.

PUKMEDIA