مەڵبەندی هەولێر: لە ئۆکتۆبەردا یەکێتی بەرگری کرد و هێزی تر رایکرد

ئەرشیف

شاری هەولێر

وتەبێژی مەڵبەندی 3ی هەولێری یەکێتیی نیستمانیی کوردستان رایدەگەیەنێت:" شەهیدەکانی یەکێتی لە بەرگریکردن لە کەرکوک لە 16ی ئۆکتۆبەردا دەیسەلمێنێت کە تەنها یەکێتی بەرگری لە کەرکوک و ناوچە دابڕێنراوەکان کردووە". 


وتەبێژی مەڵبەندی 3ی هەولێری  لە راگەیەندراوێکی دا کە بۆ سایتی رەسمی یەکێتیی نیشتمانیی کوردستانی ناردووە، رایدەگەیەنێت:" هەر کاتێک نوکی قەڵەمی رۆشنبیری و بەتایبەتی کادیرانی یەکێتی  بێ دەنگدەبێت، رێگا خۆش دەکات بۆ قەڵەمی بەکرێگیراوان و کوێرانە  دەنوسن و راستی مێژوو  دەشیوێنن وەکو داستانی کۆڕێ". 


وتەبێژی مەڵبەندی رێکخستنی هەولێر دەڵێت:" ئەمجارەش لە 16 ئۆکتۆبەر، ڕۆلی قارەمانەکانی یەکێتی، ژمارە شەهیدەکانی ئەوە دەسەلمێنن تەنها پێشمەرگەی یەکێتی  پارێزگاری لە کەرکوک و  ناوچە دابڕێنراوەکانی هەرێمی کوردستان کردەوە". 


هەروەک مەڵبەندی رێکخستنی هەولێر راشکاوانە دەڵێت:" خەڵک و هێزی تر هەبووە ڕاکردن و  پاشەکشەیان هەڵبژارد، لە جیاتی بەرگریکردن لە کەرکوک و کەرکوکییەکان ". 


PUKMEDIA