فراکسیۆنە کوردستانییەکان دژی بەسەربازگەکردنی تۆبزاوا دەوەستنەوە

PUKMEDIA

ئەنجومەنی نوێنەرانی عیراق

فراکسیۆنە کوردستانییەکان لە پەرلەمانی عیراق داوا دەکەن بەسەربازگەکردنی تۆبزاوای سەربە کەرکوک راگیرێت و رێگە نەدرێت مافی پێکهاتەکان لەو ناوچەیە پیشێلبکرێت.

فراکسیۆنە کوردستانییەکان داوا لە جێگری سەرۆکی پەرلەمان دەکەن کە نوسراوێک ئاڕاستەی سەرۆک وەزیرانی عیراق بکات بە مەبەستی راگرتنی ئەو جموجوڵە سەربازیانەی لە ناوچەی تۆبزاوای سەربە پارێزگای کەرکوک، چونکە لەگەڵ بارودۆخی ئێستای کەرکوک و پێکەوە ژیانی ئاشتیانەی پێکهاتەکان لە ناوچەکە ناگونجێت.

هەر لە نوسراوەکەیاندا فراکسیۆنە کوردستانییەکان داواشیان کردووە، داوا لەهەموو لایەنێکی دەسەڵاتدار دەکەین هەوڵی راگرتنی جێگیرکردنی هەر هێزێکی سەربازی لەو ناوچەیەک بدەن، کە رەمزی رژێمێکی لەناوچووە کە ئەنفال و چەندین کارەساتی بەسەر میللەتی کورددا هێناوە و کاریگەری خراپی لەسەر خەڵکی ناوچەکە و کۆمەڵگای نێودەولەتیش بەجێ هێشتووە.

دەقی نوسراوەکە بە وێنە...

PUKMEDIA