خوێنی شەهیدەکانی شاهێدی بهرگری یهكێتین لهكهركوك
کوردستان 05:34 PM - 2023-10-15کەرکوک لە 16ی ئۆکتۆبەردا
دوای ئهنجامدانی ریفراندۆمی 25ی ئهیلولی
2017 و دهرئهنجامهكانی، 16ی ئۆكتۆبهر روویداو پێشمهرگهكانی لیوای 102ی هێزهكانی
70 له كهركوك له سهنگهری بهرگریدابوون، بههۆی بهرگرییهوه زياتر 140 پێشمهرگهی
یهكێتی شههید و برینداربوون.
لێكهوتهی ریفراندۆم، ههر 16ی ئۆكتۆبهر و
رووداوهكهی كهركوك نهبوو، بۆیه جارێكی تر قهزای
شهنگال كهوتهوه بهر پهلاماری چهكداری و لهلایهن ھێزهكانی شهنگالهوه بێ
بهرگری و تهقهكردن چۆڵكرا.
لە 16ی ئۆکتۆبەردا تەنها یەکێتی بەرگری کرد
لەوبارەیەوە هیوا رەش ئەندامی سەرکردایەتی
یەکێتیی نیشتمانیی کوردستان کە ئەوکات جێگری لێپرسراوی مەڵبەندی کەرکوکی یەکێتی
بوو، بە سایتی رەسمی یەکێتی PUKMEDIA ی راگەیاند: "16ی ئۆکتۆبەر دەرئەنجامی ریفراندۆم بوو کە بەشێکی
زۆر لە لایەنەکان لەگەڵ ئەنجامدانی ریفراندۆمدا نەبوون لەوکاتەدا، ئەنجامەکەشی بە
داگیرکردنی %51ی خاکی کوردستان و شەهیدکردنی ژامارەیەکی زۆری پێشمەرگەی
یەکێتی کۆتاییهات".
"عینادی و کەللـەرەقی لە پرسە
نیشتمانییەکاندا هەرگیز بۆ کورد ئەنجامێکی باشی نەبووە، لەکاتێکدا دۆستە ناوخۆیی و
نێودەوڵەتییەکانمان لەوکاتەدا لەگەڵ ریفراندۆم نەبوون، هەر ئەمەش وایکرد رووبەڕووبوونەوەی
هێزی پێشمەرگە لەگەڵ سوپای عیراق و حەشدی شەعبی رووبدات و چەندین پێشمەرگەی یەکێتی
شەهیدببن، لەبەرامبەریشدا هێز هەبووە هەڵهاتووە"، هیوا رەش وادەڵێت.
یەکێتی کەرکوکییەکانی جێنەهێشت
لە 16ی ئۆکتۆبەردا، سەرەڕای ناهاوسەنگی هێزی
یەکێتی لە بەرامبەر سوپای عیراق و حەشدی شەعبیدا، بەڵام یەکێتی بەرگری کرد و
کەرکوکییەکانی جێنەهێشت، شەهیدەکانی یەکێتیش شاهێدی ئەو راستیەن.
ئەندامەکەی سەرکردایەتی یەکێی ئاماژەی بەوەشدا:
"لەگەڵ ئەوەی ناهاوسەنگی هەبوو لەنێوان هێزەکانی یەکێتی بەرامبەر بە سوپا و
حەشدی شەعبی، بەڵام یەکێتی ئامادەنەبوو کەرکوکییەکان لەو نەهامەتییە جێبهێڵێت و
بەرگری نەکات، شەهیدەکانیش شاهێدی ئەو راستییەن کە کێ لە کەرکوک بەرگریکرد و چ
لایەنێکیش هەڵهات".
دەشڵێت:"هەتا ئێستا ناکۆکییەکانی دوای
16ی ئۆکتۆبەر لەنێوان لایەنە کوردستانییەکاندا بوونی ماوە، لەگەڵ ئەوەی چەندین جار
یەکێتیی نیشتمانیی کوردستان دەرگای گفتوگۆی بۆ لایەنەکان بەتایبەت پارتی دیموکراتی
کوردستان کردۆتەوە و پێیوابووە پێویستە بۆ کەرکوک و ناوچە جێناکۆکەکان، لایەنەکان
وەک پرسێکی نیشتمانی لێی بڕوانن و یەک دەنگ و یەک ریز بن".
یەکێتیی نیشتمانیی کوردستان هەمووکات بەرگری لە کەرکوکییەکان کردووە، چونکە ئامانجی یەکێتی خزمەتکردنی
ئەوشارەیە بێ جیاوازی، هەموو کەرکوکییەکانیش شاهێدی
ئەو راستییە دەدەن کە تەنها یەکێتییە لە خۆشی و
ناخۆشیدا لەگەڵیان ماوەتەوە و هیچ کاتێک ئامادە
نەبووە بەجێیان بهێڵێت، لەماوەی چوار ساڵی رووبەڕووبوونەوەی تیرۆریستاندا تەنها
یەکێتیی نیشتمانیی کوردستان بوو شارەکەی لەدەستی تیرۆر پاراست و قوربانیدا، لە 16ی
ئۆکتۆبەریشدا تەنها یەکێتی بوو بە خوێنی 38شەهید و 104 بریندار بەرگری
کرد و هەتا ئێستاش ئامادەنەبووە کەرکوکییەکان جێبهێڵێت، بەپێچەوانەوە لەئێستادا
زیاتر لە هەمووکات هەست بە ئەرکی سەرشانی دەکات و بۆ هەڵبژاردنی داهاتووی ئەنجومەنی
پارێزگاکانی عیراق هەوڵدەدات زۆرترین کاندیدی بنێرێتە ئەنجومەنی پارێزگای کەرکوک و
ئەوەی پێشتر بە چەک بەرگری لێدەکرد لە داهاتوودا بە دەنگ و لەڕێی یاساوە بەرگری
لێبکات.
PUKMEDIA
هەواڵی زیاتر
-
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
05:33 PM - 2024-05-18 -
کتێبی شەو لەكێوان ناساندنی بۆ كرا
11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
11:08 AM - 2024-05-18
ئەمانەش ببینە
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
04:10 PM - 2024-05-18
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
12:33 PM - 2024-05-18
شەش ساڵ بەسەر کۆچی دوایی عادل موراد دا تێدەپەڕێت
09:11 AM - 2024-05-18
زۆرترین خوێنراو
-
جاسوسی
بیروڕا 09:23 PM - 2024-05-18 -
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18 -
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
کوردستان 04:10 PM - 2024-05-18 -
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
کوردستان 12:33 PM - 2024-05-18 -
کتێبی شەو لەكێوان ناساندنی بۆ كرا
کوردستان 11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
ی ن ک 11:08 AM - 2024-05-18 -
ئهنجومهنی نوێنهران بۆ ههڵبژاردنی سهرۆكهكهی كۆدهبێتهوه
عیراق 09:46 AM - 2024-05-18