ساڵیادی کۆچی دوایی سەرۆک مام جەلال لە نەجەف بەڕێوەدەچێت

PUKMEDIA

سەرۆک ما جەلال، شکۆی نیشتمان

ئەمڕۆ چوارشەممە 4-10-2023، مەراسیمی ساڵیادی کۆچی دوایی سەرۆک مام جەلال لە نەجەف بەڕێوەدەچێت کە لەلایەن دامەزراوەی سەرۆک جەلال تاڵەبانی و دامەزراوەی بەحر ئەلعلوم ئەنجامدەدرێت.

مەراسیمەکە سەعات 11ـی پێشنیوەڕۆ دەستپێدەکات و لە دیدارێکدا چەند پانێڵێک سازدەکرێت و چەند توێژینەوەیەک لەبارەی سەرۆک مام جەلال لەخۆدەگرێت.

ئەمەش لەکاتێکدایە کە دوێنێ لەسەر مەزاری مام و لە سلێمانی و لە بەغدا بە ئامادەبوونی سەرۆک بافڵ جەلال تاڵەبانی مەراسیمی ساڵیادی شکۆی نیشتمان بەڕێوەچوو.

مام جەلال كە یەكەم سەرۆك كۆماری عیراق و سكرتێری گشتی یەكێتیی نیشتماییی كوردستان بوو، رۆژی 17-12-2012 بەهۆی تێكچوونی باری تەندروستییەوە لە بەغداوە رەوانەی ئەڵمانیا كرا بەمەبەستی وەرگرتنی چارەسەری پزیشیكی، بەداخەوە رۆژی 3-10-2017 دڵە گەورەكەی لەلێدان كەوت و كۆچیی دوایی كرد.
PUKMEDIA