riklam

ئەنجومەنی نوێنەران رێز و وەفا بۆ سەرۆک مام جەلال دەنوێنن

عیراق 04:48 PM - 2023-10-02
ئەنجومەنی نوێنەران PUKMEDIA

ئەنجومەنی نوێنەران

ئەنجومەنی نوێنەران سەرۆک مام جەلال

ئەندامانی ئەنجومەنی نوێنەرانی عیراق لە کۆبونەوەی ئەمڕۆیاندا، دەقەیەک بۆ گیانی پاکی سەرۆک مام جەلال بەپێوە وەستان و سورەتی فاتیحایان بۆ گیانی پاکی نارد.

 

کاروان یاروەیس بڕیاردەری فراکسیۆنی یەکێتی لە ئەنجومەنی نوێنەرانی عیراق بە سایتی رەسمی یەکێتیی نیشتمانیی کوردستان PUKMEDIA ی راگەیاند: "ئەنجومەنی نوێنەران ئەمڕۆ جارێکی دیکە رێز و وەفایان بۆ سەرۆک مام جەلال دوپاتکردەوەو لەسەر داوای فراکسیۆنی یەکێتیش سەرجەم ئەندامانی پەرلەمان دەقەیەک بەبێدەنگی بۆ گیانی پاکی سەرۆک مام جەلال بەپێوە وەستان".

 

هەر لەسەرەتای کۆبونەوەکەی ئەنجومەنی نوێنەراندا راگەیەندراوی فراکسیۆنی یەکێتی لەلایەن هەرێم کەمال ئاغا سەرۆکی فراکسیۆنی یەکێتی، خوێندرایەوەو تێیدا ئاماژەی بەوە کرد: "ساڵیادی کۆچی دوایی سەرۆک مام جەلال سەمامی ئەمانی عیراق، رۆژی 3-10 یە، کەیەکەم سەرۆکی عیراق بوو بەشێوەیەکی دیموکراسی هەڵبژێردرا و بەم بۆنەیەوە لەناو ئەنجومەنی نوێنەرانی عیراقەوە رێز و وەفامان بۆ رۆحی سەرۆک مام جەلال دوپات دەکەینەوە".

 

هەر لە راگەیەندراوەکەدا ئەوەش خراوەتەڕوو: "لێرەوە بەڵێن دەدەین بە رۆحیەت و سیاسەتی حەکیمانەی سەرۆک مام جەلالەوە خەبات دەکەین و هەوڵی پاراستنی رۆحیەتی پێکەوە ژیان و چارەسەری کێشەکان دەدەین و ئەم یادە دەکەینە بنەمایەک بۆ گفتوگۆ و لێک تێگەیشتن بۆ چارەسەری کیشەکان و هەوڵدان بۆ ژیانێکی ئازاد و دیموکراسیەت لە عیراق".

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket