سەرۆکی دەزگای ئاسایش: دادگا خاڵی یەكلاكەرەوە دەبێت

PUKMEDIA

سەرۆکی دەزگای ئاسایش پێشوازی لە خانەوادەی خوالێخۆشبوو وەستا حەسەنی کەبابچی كرد

هیوا ئەحمەد، سەرۆکی دەزگای ئاسایشی هەرێم پێشوازی لە خانەوادەی خوالێخۆشبوو وەستا حەسەنی کەبابچی كرد.

‎لەدیدارەكەدا خانەوادەی وەستا حەسەن سوپاسی هێزەكانی ئاسایشیان كرد كە لەماوەیەكی كورتدا تۆمەتباری كوشتنی (رۆژ حەسەن) دەستگیركرا و داواشیانكرد، لەبەرامبەر خوێنی كوڕەكەیان یاسا سەروەر بێت.


‎لەبەرامبەردا هیوا ئەحمەد، سەرۆکی دەزگای ئاسایشی هەرێم وێڕای دەربڕینی هاوخەمی بۆ خانەوادەکەیان، جەختیشیكردەوە كەیسەكە رێرەوی یاسایی خۆی وەرگرتووە و دادگا خاڵی یەكلاكەرەوە دەبێت.


‎سەرۆکی دەزگای ئاسایشی هەرێم دڵنیاشیکردنەوە، هیچ کەسێک لەسەروو یاساوە نییە و بەتوندترین شێوە رووبەڕووی هەموو هەوڵێك دەبنەوە كە ژیان و ئارامیی خەڵك بخاتە مەترسییەوە. وتیشی، هێزەكانی ئاسایش لەخزمەت سەروماڵی هاوڵاتییاندان و پاراستنیان ئەركی ئێمەیە.

PUKMEDIA