riklam

وتەبێژی کۆنگرە: لە یەکەم رۆژی کۆنگرە لیژنەکان پێکدەهێندرێن

کوردستان 11:21 AM - 2023-09-27
تەلار لەتیف PUKMEDIA

تەلار لەتیف

یەکێتیی نیشتمانیی کوردستان پێنجەمین کۆنگرەی یەکێتی

ئەمڕۆ چوار شەممە، پێنجەمین کۆنگرەی یەکێتیی نیشتمانیی کوردستان دەستپێدەکات و وتەبێژی کۆنگرەش دەڵێت، "لە رەشنووسی پەیڕەوی ناوخۆی حزبدا باس لە جێگری سەرۆکی یەکێتی و ئەندامانی دەستەی کارگێڕی نەکراوە".

تەلار لەتیف وتەبێژی پێنجەمین کۆنگرەی یەکێتیی نیشتمانیی کوردستان بە PUKMEDIA ی راگەیاند: "ئەمڕۆ پێنجەمین کۆنگرەی یەکێتی لە سلێمانی دەستپێدەکات لە سەرەتای کۆنگرەکەش وتاری بافڵ جەلال تاڵەبانی سەرۆکی یەکێتی و سەرکردەی چەند لایەنێکی سیاسی دەخوێندرێتەوە، لە دوانیوەڕۆی ئەمڕۆشدا کۆنگرە دەست بە کارەکانی خۆی دەکات و چەند لیژنەیەک بۆ راپەڕاندنی کارەکان پێکدەهێندرێت".

"لە رەشنووسی پەیڕەوی ناوخۆی حزبدا باس لە جێگری سەرۆکی یەکێتی و ئەندامانی دەستەی کارگێڕی نەکراوە، بەڵام ئەگەر پرسێکی لەو شێوەیە هەبێت، ئەوا کۆنگرە ئەو پرسە یەکلا دەکاتەوە"، تەلار لەتیف وادەڵێت.

ئاماژەی بەوەشدا: "لە رۆژانی داهاتووشدا هەوڵەکان بۆ راپەڕاندنی تەواوی کارەکانی کۆنگرە چڕدەکرێتەوە و دوای گفتوگۆیەکی تێروتەسەل و رەچاوکردنی تێبینییەکان دەنگ بە رەشنووسی پەیڕەو دەدرێت، ئەمە جگە لەوەی بۆ داهاتووی یەکێتی، ئەنجومەنەکانی باڵای سیاسی و بەرژەوەندییەکان، سەرکردایەتی و پشتیوانی پێکدەهێندرێن و سەرۆکی یەکێتی سەرۆکی ئەنجومەنەکان دەبێت".
PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket