تەلار لەتیف: سەرۆک و نوێنەری لایەنە سیاسی و دیپلۆماسییەکان میوانی کۆنگرەن

PUKMEDIA

تەلار لەتیف

یەکێتیی نیشتمانیی کوردستان بۆ پێنجەمین کۆنگرەی خۆی بانگهێشتی حزب و لایەنە کوردستانی و عیراقییەکان دەکات و بانگهێشت نامە بۆ نێردەی وڵاتان دەنێرێت، وتەبێژی کۆنگرەش دەڵێت، "جگە لە سەرۆکی یەکێتی لایەنەکانیش لە کۆنگرەدا وتاریان دەبێت".

تەلار لەتیف وتەبێژی پێنجەمین کۆنگرەی یەکێتیی نیشتمانیی کوردستان رایگەیاند: "سبەی چوار شەممە سەعات ١١ی پێشنیوەڕۆ، کۆنگرەی یەکێتیی نیشتمانیی کوردستان لە سلێمانی دەستپێدەکات و نوێنەرانی حزب و لایەنەکان و نێردەی وڵاتان بۆ کۆنگرەکە بانگهێشت کراون.

"لە کۆنگرەکەدا بافڵ جەلال تاڵەبانی سەرۆکی یەکێتیی نیشتمانیی کوردستان وتارێکی تایبەت پێشکەش دەکات، پاشان چەند لایەنێکیش وتاریان دەبێت"، تەلار لەتیف وادەڵێت.

وتیشی: "دوانیوەڕۆی هەمان رۆژ کۆنگرە دەست بە کارەکانی دەکات و لەو چوارچێوەیەشدا لیژنەکان دروست دەکرێن، ئەمەش لەکاتێکدایە کە رەشنووسی پەیڕەوی ناوخۆی حزب ئامادەیە و لە کۆنگرەدا کە سێ رۆژ دەخایەنێت دەنگی لەسەر دەدرێت".
PUKMEDIA