باڵیۆزی گشتی به‌ریتانیا ئیدانه‌ی بۆردومانه‌كه‌ی فڕۆكه‌خانه‌ی عه‌ربه‌ت ده‌كات

PUKMEDIA

دیمەنی کێڵگەی کشتوکاڵی عەربەت دوای هێرشەکە

باڵیۆزی گشتی به‌ریتانیا له‌ عیراق ئیدانه‌ی بۆردومانه‌كه‌ی فڕۆكه‌خانه‌ی كشتوكاڵی عه‌ربه‌ت ده‌كات و له‌هه‌مانكاتدا پشتگیری ئاسایش و ئارامی عیراق ده‌كات.

ستیڤن هیچن باڵیۆزی گشتی به‌ریتانیا له‌ عیراق له‌ئه‌كاونتی تایبه‌تی خۆی له‌ تۆڕی كۆمه‌ڵایه‌تی ئێكس راگه‌یاندوه‌:" ئیدانه‌ی بۆردومانه‌كه‌ی فڕۆكه‌خانه‌ی كشتوكاڵی عه‌ربه‌ت له‌سلێمانی ده‌كه‌م و ئێمه‌ پابه‌ندین به‌ پشتگیریكردنی ئاسایش و سه‌روه‌ری و یه‌كپارچه‌یی خاكی عیراق".

ئاماژه‌ی بۆ ئه‌وه‌شكردوه‌:" پرسه‌ و سه‌ره‌خۆشی خۆمان ئاڕ‌استه‌ی كه‌سوكاری قوربانیان و زیانلێكه‌وتووه‌كان ده‌كه‌ین و هیوادارین ئه‌و رووداوه‌ دووباره‌ نه‌بێته‌وه‌".

ئێوارەی رۆژی ١٨-٩-٢٠٢٣ هێرشێکی تیرۆرستی لەڕێگەی درۆنەوە کرایە سەر فرۆکەخانەی کشتوکاڵی عەربەت، لەئەنجامدا ٣ پێشمەرگەی دژەتیرۆر شەهید بوون و سێ پێشمەرگەی دیکەش بریندار بوون.

PUKMEDIA