قوباد تاڵەبانی: هەوڵی یەكێتی زانایان بۆ نەهێشتنی توندڕەوی لەبیرناكەین

PUKMEDIA

قوباد تاڵەبانی

بەبۆنەی یادی 53 ساڵەی دامەزراندنی یەكێتیی زانایانی ئایینی ئیسلامی كوردستانەوە، قوباد تاڵەبانی جێگری سەرۆكی ئەنجومەنی وەزیران پەیامێكی پیرۆزبایی ئاڕاستەی سەرۆك و ئەندامانی مەكتەبی تەنفیزی یەكێتییەكە و مامۆستایانی ئاینی دەكات و رایدەگەیەنێت: "هیوادارین یەكێتیی زانایان و مامۆستایانی ئایینی پێداگرتر لە رابردوو هەوڵ بۆ نەهێشتنی توندڕەوی و چارەسەركردنی كێشە كۆمەڵایەتییەكان بدەن".

دەقی پەیامەكە:


بەڕێزان سەرۆك و ئەندامانی مەكتەبی 

تەنفیزی یەكێتیی زانایانی ئایینی ئیسلامی كوردستان

مامۆستایانی ئایینی پایەبەرز

بەبۆنەی یادی 53 ساڵەی دامەزراندنی یەكێتیی زانایانی ئایینی ئیسلامی كوردستانەوە گەرمترین پیرۆزبایتان ئاڕاستە دەكەم و هیوای سەركەوتن و بەردەوامیتان بۆ دەخوازم.

لەم یادەدا رۆڵی یەكێتی زانایانی ئایینی ئیسلامی كوردستان و مامۆستایانی ئایینی بەرز دەنرخێنم لە پەرەپێدانی میانڕەوی و گیانی و لێبوردەیی و كلتوری پێكەوەژیانی ئاشتییانەی نێوان هەموو پێكهاتەكانی كوردستان. 

لەم قۆناغەشدا كە زیاتر لە هەر كاتێكی دیكە گەلەكەمان پێویستیی بە بەهێزكردنی میانڕەویی و ئاشتەوایی كۆمەڵایەتی هەیە، هیوادارین یەكێتیی زانایانی ئایینی ئیسلامی كوردستان و مامۆستایانی ئایینی بەڕێز پێداگرتر لە رابردوو هەوڵ بۆ نەهێشتنی توندڕەوی و چارەسەركردنی كێشە كۆمەڵایەتییەكان بدەن، بە دڵنیاییەوە مێژوو ئەم هەوڵە گرنگ و جێی بایەخەتان لەبیر ناكات.

قوباد تاڵەبانی 
جێگری سەرۆكی ئەنجومەنی وەزیران


PUKMEDIA