قوباد تاڵەبانی: مامۆستا مەلا سەمیع كەسایەتییەكی دیارو نیشتمانپەروەر بوو

PUKMEDIA

قوباد تاڵەبانی

بۆ كۆچی دوایی مامۆستا مەلا سەمیع موفتی، قوباد تاڵەبانی سەرپەرشتیاری مەكتەبی سكرتارییەتی سەرۆك مام جەلال پرسەنامەیەك ئاڕاستەی خێزان و خانەوادەی كۆچكردوو دەكات كە ئەمە دەقەكەیەتی:


بەڕێزان خێزان و خانەوادەی كۆچكردوو مەلا سەمیع موفتی


بەبیستنی هەواڵی كۆچی دوایی (مەلا سەمیع موفتی)، نیگەران و دڵگران بووم. 

كۆچكردوو مامۆستا مەلا سەمیع كەسایەتییەكی دیار و نیشتمانپەروەر بوو سێ كوڕی شەهیدی رێگای رزگاری و كوردایەتی و شۆڕش بوون، كۆچكردنی جێگای داخێكە. 

بەم بۆنە غەمناكەوە پرسەو سەرەخۆشی ئاڕاستەی هەموو  كەسوكار و بنەماڵە تێكۆشەرەكەتان دەكەم و هاوبەشی خەم و پەژارەتانم. 

خوای گەورە لەكۆچكردوو خۆش بێت و جێگای بەهەشت بێت، سەبوری و دڵنەواییش بەهەموو لایەك ببەخشێت. 

انا لله و انا الیه راجعون 

قوباد تاڵەبانی
سەرپەرشتیاری مەكتەبی سكرتارییەتی سەرۆك مام جەلال

PUKMEDIA