قوباد تاڵەبانی: د.فیراز خزمەتێكی بەرچاوی بەكەرتی تەندروستی و هاووڵاتیان كرد

PUKMEDIA

د. فیراز مەعروف بەرزنجی

بۆ كۆچی دوایی د. فیراز مەعروف بەرزنجی، قوباد تاڵەبانی سەرپەرشتیاری مەكتەبی سكرتارییەتی سەرۆك مام جەلال پرسەنامەیك ئاڕاستەی سەندیكای پزیشكانی كوردستان و خێزان و خانەوادەی كۆچكردوو دەكات كە ئەمە دەقەكەیەتی:


بەڕێزان سەندیكای پزیشكانی كوردستان

بەڕێزان خێزان و خانەوادەی كۆچكردوو د. فیراز مەعروف بەرزنجی


بەبیستنی هەواڵی كۆچی دوایی (د. فیراز مەعروف بەرزنجی)، نیگەران و دڵگران بووم. 

كۆچكردوو (د.فیراز) خانمێكی مرۆڤدۆست و پزیشكێكی بەئەزموون و دڵسۆزی شاری سلێمانی بوو كەخزمەتێكی بەرچاوی بەكەرتی تەندروستی و هاووڵاتیان گەیاند، كۆچكردنی جێگای داخە. 
بەم بۆنە غەمناكەوە پرسەو سەرەخۆشی ئاڕاستەی هەموو پزیشكانی كوردستان و كەسوكار و بنەماڵەكەتان دەكەم و هاوبەشی خەم و پەژارەتانم. 

خوای گەورە لەكۆچكردوو خۆش بێت و جێگای بەهەشت بێت، سەبوری و دڵنەواییش بەهەموو لایەك ببەخشێت. 

انا لله و انا الیه راجعون 

قوباد تاڵەبانی
سەرپەرشتیاری مەكتەبی سكرتارییەتی سەرۆك مام جەلال


PUKMEDIA