سەرۆک بافڵ: ناکرێت سەقامگیریی لە مەترسیدا بێت

نووسینگەی سەرۆكی یەكێتی

بافڵ جەلال تاڵەبانی سەرۆكی یەكێتی و نفایەق زێدان سەرۆكی ئەنجوومەنی باڵای دادوەریی عیراق

بافڵ جەلال تاڵەبانی سەرۆكی یەكێتیی نیشتمانیی كوردستان و فایەق زێدان، سەرۆكی ئەنجوومەنی باڵای دادوەریی عیراق لە بەغدا كۆبوونەوە.

لەكۆبوونەكەدا جەخت لە پابەندبوون بە دەستوور، سەروەریی یاسا و چارەسەركردنی ئەو كێشانە كرایەوە كە پەیوەستن بە ژیان و گوزەرانی خەڵكەوە بەتایبەت شایستەداراییەكانی هەرێم و تێكەڵنەكردنی ژیانی هاووڵاتییان بە كێشە سیاسییەكانەوە.

لەبارەی بەپارێزگابوونی هەڵەبجە و هێرشە تیرۆریستییەكەی سەر فڕۆكەخانەی عەربەت، سەرۆك بافڵ داوای لە دەسەڵاتی دادوەری كرد رۆڵی یاسایی خۆیان بگێڕن لە بە پارێزگابوونی هەڵەبجە و قەرەبووكردنەوەی ئەو شارەی زۆرترین قوربانیی داوە، وتیشی: "ئەركی هەموومانە رووبەڕووی پێشێلكاری و بەزاندنی سنووری وڵات ببینەوە، ناكرێت سەقامگیریی خاك و وڵاتمان لەژێر مەترسیدا بێت و پێویستە سنوورێك بۆ ئەو هێرشانە دابنرێت".

PUKMEDIA