رەفعەت عەبدوڵڵا: لایەنێك نایەوێت هەڵبژاردن لە كەركوك ئەنجامبدرێت
کوردستان 08:33 PM - 2023-09-20رەفعەت عەبدوڵڵا و كلاودیۆ كۆردۆن
بۆ گفتوگۆكردن لەسەر ئامادەكارییەكانی هەڵبژاردنی ئەنجومەنی پارێزگاكانی عیراق و هەڵبژاردنی پەرلەمانی كوردستان، بارودۆخی سیاسی ناوخۆیی و ناوچەیی، پەیوەندیەكانی هەرێم لەگەڵ بەغدا، ڕۆژی 20 ی 9ی 2023 رەفعەت عەبدوڵڵا بڕیاردەری دەستەی كارگێڕی مەكتەبی سیاسی بەئامادەبوونی سەركەوت زەكی ئەندامی مەكتەبی سیاسی، لە بارەگای مەكتەبی رێكخستن پێشوازیان لە كلاودیۆ كۆردۆن جێگری جینین بلاسخارت نێردەی یۆنامی لە عیراق و وەفدێكی هاوڕێی كرد.
لەكۆبوونەوەیەكدا جێگری نێردەی نەتەوەیەكگرتوەكان لە عیراق، ئامانجی سەردانەكەی رونكردەوە وتی: "دەمانەوێت لە نزیكەوە رای لایەنە سیاسییەكانی هەرێمی كوردستان بزانین دەربارەی پرسی هەڵبژاردنی ئەنجومەنی پارێزگانی عیراق و پەرلەمانی كوردستان"، هەروەك گفتوگۆ دەكەن دەربارەی پەیوەندییەكانی هەرێمی كوردستان و حكومەتی ئیتیحادی.
رەفعەت عەبدوڵڵا بە وەفدی میوانی راگەیاند: "كە لە كەركوك هەندێك لایەن ئەجێندای دەرەكی و نەخوازراو بەرامبەر بە شارەكە جێبەجێدەكەن، ئامانجیانە پڕۆسەی هەڵبژاردن ئەنجام نەدرێت، چونكە لە بردنەوەی كورد دەترسن، ئەو پشێویەی سەرەتای ئەم مانگەش لەشارەكە دروستیان كرد هەر بۆ ئەو مەبەستە بوو".
بڕیاردەری دەستەی كارگێری مەكتەبی سیاسی لە بارەی هەڵبژاردنی پەرلەمانی كوردستانیشەوە تەئكیدی كردەوە: "كە یەكێتی لەگەڵ بەڕێوەچوونی پڕۆسەكەیە و بۆ ئەم مەبەستە تەواوی ئامادەكارییەكانی كردووە، بەڵام لە دادگای ئیتحادی سكاڵامان لەسەر یاسای هەڵبژاردن تۆماركردەوە كەهەندێك بڕگەی لە بەرژەوەندی تەنها یەك لایەندایە بەتایبەتی لە كورسی كۆتایی پێكهاتەكاندا كە دەبنە كورسی لایەنێكی سیاسی و گوزارشت لە پێكهاتەی ئاینی و نەتەوەیی ناكەن، هەر دەربارەی هەڵبژاردنی پەرلەمانی كوردستان رەفعەت عەبدوڵڵا وتی: "كێشەیەكی تر پاكنەكردنەوەی لیستی دەنگدەرانە كە لەگەڵ لیستی دەنگدانی عیراق نزیكەی 350000 ناو جیاوازی هەیە، هەرلەسەر ئەم پرسە یەكێتی لەگەڵ كۆمسیۆنی هەڵبژاردنەكانی عیراق لە هەوڵی بەردەوامدایە بۆ چارەسەركردنی كێشانە تاكو هەڵبژاردن دوانەخرێت، چونكە هەڵبژاردن لەو كاتەدا نەكرێت هێندەی تر دەزگاو دامەزراوەكانی بەڕێوەبردنی هەرێم لاواز دەبن و دەكەوینە بۆشایی یاساییەوە".
لەبارەی پەیوەندییەكانی هەرێمی كوردستان و بەغدا، رەفعەت عەبدوڵڵا وتی: "پێكهێنانی ئەم كابینەیەی حكومەتی فیدراڵی عیراق بە پێی رێككەوتنی لایەنە سیاسییە عیراقییەكان بوو ، بەڵام بەداخەوە زۆر جار هەر لایەنەو بە ئەجێندای خۆی بڕگەكانی رێككەوتننامەكە جێبەجێ دەكەن، هەروەها هەڵە سیاسییەكانی هەرێمیش هۆكارێك بوون بۆ دروست بوونی ساردی لە پەیوەندیەكاندا، بەڵام پێشتر و ئێستاش یەكێتیی نیشتمانیی كوردستان هەمیشە پەنای بۆ دیالۆگ و گفتوگۆ بردووە بۆ چارەسەری كێشەكان، پاشەكشە كردن لە حكومەتی فیدراڵی و دابڕانی بە قوڵكردنەوەی زیاتری قەیرانەكان زانیوە، بۆیە هەمیشە لە هەوڵی نزیك بوونەوە بەردەوام بووین حزورمان لە وەفدی هەفتەی پێشووی حكومەتی هەرێمدا بۆ بەغدا ئەو راستییەی سەلماند" .
لە بارەی بەستنی پێنجەمین كۆنگرەی یەكێتییەوە كە ئەو پرسەش لای نوێنەری یۆنامی لە عیراق جێگەی بایەخ بوو بڕیاردەری دەستەی كارگێڕی مەكتەبی سیاسی ئاماژەیدا بەوەی: "كە دەمانەوێت لەم كۆنگرەیەدا كارەكانی حزب لەناو یەكێتیدا باشتر و چاكتر رێكبخەینەوە وستراتیژی تازە دادەڕێژینەوە بۆ پێداچونەوەی سیاسەتی حزب".
هەر سەبارەت بە پرسی پێنجەمین كۆنگرەی یەكێتی سەركەوت زەكی ئەندامی مەكتەبی سیاسی و لێپرسراوی مەكتەبی رێكخستن بە وەفدی میوانی راگەیاند: "كە لەم كۆنگرەیەدا دەمانەوێت لە رووی چۆنایەتییەوە جیاوازییەك پێشكەش بكەین و ئامانجی دوور و نزیكمان بۆ ستراتیژی حزب داناوە و هەروەها پێكهاتەی حزبیش لە سەركردایەتییەوە بۆ ئۆرگان رێك دەخەینەوە ، هەروەها گرنگیدان بە رۆڵی ژن و گەنج و داڕشتنەوەی بەرنامەی حزب لە حوكمڕانیدا ئەولەوییەتی پێدەدرێت" .
لە كۆتایی كۆبوونەوەكەدا كلاودیۆ كۆردۆن جێگری نێردەی یۆنامی لە عیراق سوپاس گوزاریی خۆی بۆ ئەو زانیاری و روونكردنەوانە دەربڕی و هیوای خواست هەركێشەیەكی ناوخۆیی و هەرێمی هەیە بە گفتوگۆی دبلۆماسیانە چارەسەر بكرێت و وتیشی: "لە ئێستاوە پیرۆزبایی بەستنی پێنجەمین كۆنگرەتان لێدەكەم".
PUKMEDIA
هەواڵی زیاتر
-
ناشادی شێوەکار کۆچی دواییکرد
11:03 PM - 2024-05-07 -
نەوەی نوێ ژێربەژێر لەگەڵ پارتی رێکدەکەوێت و بە ئاشکرا ناوی یەکێتی دەهێنێت
08:24 PM - 2024-05-07 -
ئەندامێکی سەرکردایەتی: پێمان باشە پارتی دادگای فیدراڵی بە مەرجەع دەزانن
11:59 AM - 2024-05-07 -
تیرۆرستێک دەستگیردەکرێت
11:39 PM - 2024-05-06
ئەمانەش ببینە
کوردستان 08:01 PM - 2024-05-07 سەرۆک بافڵ بۆ کیمبەرلی هارینگتۆن: بەرپرسیارانە مامەڵە لەگەڵ وزە دەکەین
هیومان رایتس وۆچ: لهههرێم یاسای ناروون بۆ بێدهنگكردنی رۆژنامهنووس بهكاردههێندرێت
04:20 PM - 2024-05-07
یەکێتی لە دژی سکاڵاکەی مەسرور بارزانی داوایەک ئاڕاستەی دادگای فیدراڵی دەکات
01:58 PM - 2024-05-07
کۆمسیۆن: وەرەقەی دەنگدانی گشتی و تایبەت بۆ هەڵبژاردن چاپدەکرێت
10:38 AM - 2024-05-07
"یەکێتی بە دووساڵی پارێزگار بۆ کەرکوک رازی نابێت و پارتی رازییە"
09:05 PM - 2024-05-06
زۆرترین خوێنراو
-
شاڵاو کۆسرەت رەسوڵ بەشداری لە پرسەی حاجی زبێد کرد
پرسەنامە 08:43 PM - 2024-05-07 -
نەوەی نوێ ژێربەژێر لەگەڵ پارتی رێکدەکەوێت و بە ئاشکرا ناوی یەکێتی دەهێنێت
کوردستان 08:24 PM - 2024-05-07 -
سەرۆک بافڵ بۆ کیمبەرلی هارینگتۆن: بەرپرسیارانە مامەڵە لەگەڵ وزە دەکەین
کوردستان 08:01 PM - 2024-05-07 -
هیومان رایتس وۆچ: لهههرێم یاسای ناروون بۆ بێدهنگكردنی رۆژنامهنووس بهكاردههێندرێت
کوردستان 04:20 PM - 2024-05-07 -
سهعدی پیره: یۆنامی رۆڵی ههبێت لهئهنجامدانی ههڵبژاردن لهكاتی خۆیدا
ی ن ک 03:07 PM - 2024-05-07 -
یەکێتی لە دژی سکاڵاکەی مەسرور بارزانی داوایەک ئاڕاستەی دادگای فیدراڵی دەکات
کوردستان 01:58 PM - 2024-05-07 -
ئەندامێکی سەرکردایەتی: پێمان باشە پارتی دادگای فیدراڵی بە مەرجەع دەزانن
کوردستان 11:59 AM - 2024-05-07 -
کۆمسیۆن: وەرەقەی دەنگدانی گشتی و تایبەت بۆ هەڵبژاردن چاپدەکرێت
کوردستان 10:38 AM - 2024-05-07