سەرۆك بافڵ: ئەركی عیراقە سنوور بۆ پێشێلكارییەكان دابنێت

نووسینگەی سەرۆكی یەكێتی

بافڵ جەلال تاڵەبانی سەرۆكی یەكێتی و نوری مالكی سەرۆكی ھاوپەیمانیی دەوڵەتی یاسا

بافڵ جەلال تاڵەبانی سەرۆكی یەكێتیی نیشتمانیی كوردستان، لەبەغدا چاویكەوت بە نوری مالكی، سەرۆكی ھاوپەیمانیی دەوڵەتی یاسا.

لەدیدارێكدا دوایین پەرەسەندنە سیاسییەكان، هێرشە تیرۆریستییەكەی سەر فڕ‌ۆكەخانەی عەربەت، كێشەكانی نێوان هەولێر و بەغدا و مووچەی فەرمانبەرانی هەرێم گفتوگۆی لەبارەوەكراو جەخت لە هەماهەنگی و هاریكاریی نێوان لایەنە سیاسییەكان كرایەوە لەپێناو زاڵبوون بەسەر ئاڵنگارییەكان و چارەسەركردنی كێشەكان لەسەر بنەمای دەستوور بەشێوەیەك كە مافی هەموو لایەك پارێزراوبێت.


لەدرێژەی دیدارەكەدا هێرشە تیرۆریستییەكەی سەر فڕ‌ۆكەخانەی ئیدانەكرا و داواكرا حكومەتی عیراق ئەركە دەستوورییەكانی خۆی رابپەڕ‌ێنێت، سنوور بۆ پێشێلكارییەكان دابنێت و هیچ پاساوێك بۆ بەزاندنی ئاسمان و خاكی وڵات نەمێنێت.

سەرۆك بافڵ جەلال تاڵەبانی ئاماژەی بە مووچە و قووتی خەڵكی هەرێمی كوردستان و پرسی بەپارێزگابوونی هەڵەبجە كرد و رایگەیاند: "دەبێت چارەسەركردنی كێشە داراییەكان و دوورخستنەوەی مووچەی فەرمانبەران لەكێشە سیاسییەكان كاری لەپێشینەی هەموومان بێت و چیتر هاووڵاتییانمان لەدڵەڕ‌اوێكدا نەمێننەوە"، لەبارەی بەپارێزگابوونی هەڵەبجەشەوە سەرۆك بافڵ وتی: "هەڵەبجە و هەڵەبجەییەكان شایەنی هەموو رێز و وەفادارییەكن، بەپارێزگابوونیشی دەبێت خەمی هەمووان بێت و داواكارم هەموولایەنەكان بەرپرسانە مامەڵە لەگەڵ ئەم پرسە بكەن".

PUKMEDIA