د. رێواز فایه‌ق: ‏ھه‌ر كه‌س و لایه‌نێك پاساو بۆ ھێرشه‌كه‌ی فڕ‌ۆكه‌خانه‌ی عه‌ربه‌ت بھێنێته‌وه‌ خائین و خۆفرۆشه‌

PUKMEDIA

شوێنی بۆردومانەکەی فرۆکەخانەی کشتوکاڵی عەربەت

د. رێواز فایه‌ق سه‌رۆكی خولی پێنجه‌می په‌رله‌مانی كوردستان، سه‌باره‌ت به‌ ھێرشه‌كه‌ی سه‌ر فڕ‌ۆكه‌خانه‌ی عه‌ربه‌ت په‌یامێكی بڵاوكردووه‌ته‌وه‌ و ده‌ڵێت، ‏ھه‌ر كه‌س و لایه‌نێكیش به‌ ھه‌ر مه‌به‌ستێك پاساو بۆ ھێرشه‌ تیرۆریستیه‌كه‌ی سه‌ر فڕ‌ۆكه‌خانه‌ی عه‌ربه‌ت بھێنێته‌وه‌، خائین و خۆفرۆشه‌، ده‌ستی دووی داگیركه‌رانی كوردستانه‌ و خه‌ڵكی كوردستانیش زۆر ھوشیارن و ھه‌مووان زۆر باش ده‌ناسنه‌وه‌.

ده‌قی په‌یامه‌كه‌... 

سه‌روه‌ریی و نه‌مری بۆ شه‌ھیده‌ قاره‌مانه‌كانی دژه‌ تیرۆر، خوای گه‌وره‌ ئارامی و سه‌بووریی به‌ كه‌سوكاریان ببه‌خشێت و جێگه‌یان فیرده‌وسی به‌رین بێت ان شاءلـله‌.

‏دژه‌تیرۆر به‌شێكی زیندوو و كارا و جێمتمانه‌ی ھاوپه‌یمانی نێوده‌وڵه‌تی ڕ‌ووبه‌ڕ‌ووبوونه‌وه‌ی تیرۆره‌ له‌ ھه‌موو ناوچه‌كه‌، پیاوه‌ مه‌رده‌كانی دامه‌زراوه‌كه‌ ئازایانه‌ و پیشه‌ییانه‌ ئۆپراسێۆنه‌كانی له‌ناوبردنی تیرۆر به‌ سه‌رپه‌رشتی و چاودێری ھاوپه‌یمانان ئه‌نجام ئه‌ده‌ن.

‏ھه‌ر كه‌س و لایه‌نێكیش به‌ ھه‌ر مه‌به‌ستێك پاساو بۆ ھێرشه‌ تیرۆریستیه‌كه‌ی سه‌ر فڕ‌ۆكه‌خانه‌ی عه‌ربه‌ت بھێنێته‌وه‌، خائین و خۆفرۆشه‌، ده‌ستی دووی داگیركه‌رانی كوردستانه‌ و خه‌ڵكی كوردستانیش زۆر ھوشیارن و ھه‌مووان زۆر باش ده‌ناسنه‌وه‌.

PUKMEDIA