قوباد تاڵەبانی: لە چارەسەرکردنی کێشەی بودجە و مووچە درێغی ناکەین

PUKMEDIA

کۆبوونەوەی وەفدی باڵای هەرێم لەگەڵ سەرۆک کۆماری عیراق

جێگری سەرۆکوەزیرانی ھەرێم دڵنیایی دەدات کە لە هەوڵەکانیان بۆ چارەسەرکردنی کێشەی بودجە و مووچە درێغی ناکەن.

قوباد تاڵەبانی جێگری سەرۆکوەزیرانی ھەرێم یەپامێکی سەبارەت بە کۆبونەوەکانیان لەگەڵ حکومەت و لایەنە سیاسییەکانی عیراق بڵاوکردەوە و رایگەیاند: "گفتوگۆکانی سەرۆک و جێگری سەرۆکی حکومەت وەفدی ھەرێم لە بەغدا لەگەڵ ھەر یەکە لە سەرۆککۆمار و سەرۆکوەزیران و سەرۆکی ئەنجومەنی نوێنەران و سەرکردەی لایەنە سیاسییەکان زۆر راشکاوانە و جدی و ئەرێنی بوون".

جەخت لەوەشدەکاتەوە: "خەڵکی کوردستان و بە تایبەتیش موچەخۆران دڵنیا دەکەینەوە کەلە ھیچ ھەوڵێک بۆ چارەسەرکردنی کێشەی بودجە و موچە درێغی ناکەین".
PUKMEDIA