یه‌كێتی دروشمی كۆنگره‌كه‌ی راده‌گه‌یه‌نێت

PUKMEDIA

یەکێتیی نیشتمانیی کوردستان

یه‌كێتیی نیشتمانیی كوردستان له‌ژێر دروشمی (نوێگه‌ری له‌كاردا، كۆده‌نگی له‌ بڕ‌یاردا) پێنجه‌مین كۆنگره‌ی ئاسایی خۆی ده‌به‌ستێت.

ئاماده‌كارییه‌كان بۆ به‌ستنی پێنجه‌مین كۆنگره‌ی یه‌كێتیی نیشتمانیی كوردستان له‌ 27ی 9ی ئه‌مساڵ به‌رده‌وامه‌ كه‌ له‌ شاری سلێمانی ده‌بێت و هه‌فته‌ی داهاتووش رێنمایی بۆ كۆنفرانسی مه‌كته‌ب و ئۆرگانه‌كان بڵاوده‌كرێته‌وه‌.

ته‌لار له‌تیف وته‌بێژی تایبه‌ت به‌ كاروباره‌كانی پێنجه‌مین كۆنگره‌ی یه‌كێتیی نیشتمانیی كوردستان پێشتر به‌ PUKMEDIA ی راگه‌یاندبوو: "ئاماده‌كاری بۆ به‌ستنی پێنجه‌مین كۆنگره‌ی یه‌كێتی به‌رده‌وامه‌ و فۆڕ‌م بۆ دروستكردنی ناسنامه‌ی كۆنگره‌ بۆ ئه‌و ئه‌ندامانه‌ دروست ده‌كرێت كه‌ جێگیرن، وه‌ك ئه‌ندامانی سه‌ركردایه‌تی و ئه‌نجومه‌نی به‌رژه‌وه‌ندی باڵا و پێشمه‌رگه‌ دێرینه‌كانی ساڵی 1976".

"له‌هه‌فته‌ی داهاتوودا رێنماییه‌كان بۆ كۆنفرانسی مه‌كته‌ب و مه‌ڵبه‌ند و ئۆرگانه‌كانی یه‌كێتی به‌پێی رێنمایی و میكانیزمی كارپێكراوی په‌یڕ‌ه‌ و بڵاوده‌كرێته‌وه‌"، ته‌لار له‌تیف واده‌ڵێت.

رۆژی 20ی 8ی 2023 به‌ سه‌رپه‌رشتی بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان، مه‌كته‌بی سیاسی له‌ شاری كه‌ركوك كۆبووه‌وه‌و تێیدا بڕ‌یاردرا له‌پێناو جۆشدانه‌وه‌ی گیانی یه‌كێتیبوون، رۆژی 27ی 9ی 2023 له‌ژێر دروشمی (نوێگه‌ری له‌كاردا، كۆده‌نگی له‌ بڕ‌یاردا) كۆنگره‌ی پێنجه‌می یه‌كێتی ببه‌سترێت.

PUKMEDIA