ئاسایش مامەڵەکارێکی دراوی ساختە دەستگیردەکات

PUKMEDIA

ئاسایش

دەزگای ئاسایشی هەرێم دەستگیرکردنی مامەڵەکارێکی دراوی ساختە ڕادەگەیەنێت.


دەزگای ئاسایشی هەرێم لە ڕاگەیەندراوێکدا کە کۆپییەکی بۆ PUKMEDIA نێردراوە ڕایگەیاندن: "بەڕێوەبەرایەتی ئاسایشی ڕاپەڕین، تۆمەتبارێکی بەبڕی ( ٣٠ )هەزار دۆلاری ساختەوە دەستگیرکرد.


"هێزەکانی ئاسایش لەسنوری ئیدارەی ڕاپەڕین، دوای کۆکردنەوەی زانیاری و چاودێریکردن، بەبڕیاری دادوەری لێکۆڵینەوەی ئاسایش، لە ٢٠٢٣/٨/٣٠ توانیان تۆمەتبار ( ی، س، ع )دەستگیربکەن و دەستبگرن بەسەر بڕی ( سی )هەزار دۆلاری ساختەدا، تۆمەتبار هەوڵیدابوو لە ڕێگەی مامەڵەکردنەوە لەبازاڕەکاندا ساغیبکاتەوە".

"لەئێستادا بە ماددەی (٢٨١)لە یاسای سزادانی عێراقی ڕاگیراوە و لێکۆڵینەوە لە دۆسیەکەی بەردەوامە".

PUKMEDIA