سەرۆککۆمار: لایەنەکان دووربن لە بەکارهێنانی هێز لە کەرکوک

PUKMEDIA

سەرۆککۆمار

د. لەتیف ڕەشید سەرۆككۆماری عیراق، سەبارەت بە دۆخی كەركوك و ڕووداوە نەخوازراوەكانی 2ی9 رایدەگەیەنێت:" نیگەرانن لە بارودۆخی كەركوك و بە نیگەرانیەوە چاودێری دۆخەكە دەكەین". 

لە بەیاننامەیەکدا سەبارەت بە دۆخی کەرکوک سەرۆککۆمار لە بەیاننامەیەکدا بڵاوکردەوە و دەڵێت:"وەكهەمیشە ویستی چەسپاندنی ئاشتی لە كەركوك و تەواوی عیراق دووپات دەكەینەوە". 
.
د. لەتیف رەشید سەرۆك كۆماری عیراق  داوا لە سەرجەم لایەنەكان دەکات دوور بن لە بەكارهێنانی هێز و هەوڵدان بۆ ئاڵۆزکردنی دۆخەكە و كار بۆ پاراستنی ئاسایشی شارەكە بكەن، تا چیتر خوێنی هاووڵاتیان بە فیڕۆ نەچێت.

سەرۆك كۆمار دەڵێت:" كەركوك یەكێكە لە نموونە جوانەكانی پێكەوەژیان و ڕێگە بە شێواندنی نادەین، هەروەک  داواشی لە هێزە ئەمنییەكان دەکات، بە پەلە و بەرپرسیارانە چارەسەری دۆخەكە بكەن و ئاسایش و ئارامیەكی دادپەروەرانە بۆ كەركوك دەستەبەر بكەن.

PUKMEDIA