د. یوسف: ناتوانن پێگە و قورسایی کورد لەکەرکوک فەرامۆش بکەن

PUKMEDIA

د. یوسف گۆران

لێپرسراوی مەڵبەندی گشتی دیراسات نیگەرانە لە دۆخی ئاڵۆزی کەرکوک و دروستبونی گرژی و ئاڵۆزی و دەڵێت: "رۆڵی حکومەتی فیدڕاڵی لە رێگەگرتن لە پەراوێزخستنی پێکهاتەی کورد لە کەرکوک سەرەکی و جەوهەرییە".

د. یوسف گۆران لێپرسراوی مەڵبەندی گشتی دیراساتی یەکێتی لە بارەی ئاڵۆزییەکانی کەرکوک راگەیەندراوێک بڵاودەکاتەوەو دەڵێت: "هیچ لایەن و هێزێک ناتوانێت قورسایی و پێگەی کورد لە کەرکوک فەرامۆش و بێ ئەرزش بکات، چارەنوسی ئەوانەی دژایەتی مافەکانی کورد دەکەن لەهی رژێمەکانی پێشوی عیراق باشتر نابێت".

‎"رۆڵی حکومەتی فیدڕاڵی لە رێگەگرتن لە پەراوێزخستنی پێکهاتەی کورد لە کەرکوک سەرەکی و جەوهەرییە و پێویستە دەسبەجێ بە ئەرکی دەستوری خۆی هەڵبستێت"، د. یوسف گۆران وای وت.

لێپرسراوی مەڵبەندی گشتی دیراسات دەشڵێت: "گرنگە جەماوەری خۆڕاگری کەرکوک و سەرجەم حزبە کوردستانییەکان لە داکۆکیکردن لەمافی کوردانی کەرکوک یەک دەنگ و یەک هەڵوێست بن و نەهێڵن لە پێناو ئەجیندای جیاوازی سیاسی و هەرێمی ئاوەژوو  بکرێت و بەلاڕێدا ببرێت".

PUKMEDIA