دەستەی ناوچە کوردستانیەکان: بەپەلە لێکۆڵینەوە لە دۆخی کەرکوک بکرێت

PUKMEDIA

کەرکوک

دەستەی گشتی ناوچە کوردستانیەکانی دەرەوەی ئیدارەی هەرێم لەبارەی دۆخی کەرکوک و گرژی و ئاڵۆزییەکان ڕاگەیەندراوێک بڵاو دەکاتەوەو تێیدا هاتووە: "هەرچی زووە پەلە بکرێت لە هێورکردنەوەی دۆخەکەو ئەو لایەنانەی دۆخی شارەکەیان چەندین ڕۆژە شێواندوە ڕوبەڕووی یاسا بکرێنەوە، لەگەڵ ئەوەشدا پێویستە حکومەتی عێراق هاوسەنگی لە بەڕێوەبردنی ئەو شارەدا ڕەچاوبکات".

راگەیەنراوێک لە دەستەی گشتی ناوچە کوردستانییەکانەوە....

بەداخەوە جارێکی تر کەرکوک بەهۆی سیاسەتی
جیاکارێ وە ئەبێتە گۆڕەپانی ململانێیەکی ناهاوسەنگ و ئاسایش و ئارامی شارەکە ئەشێوێنرێت، ئەم سیاسەتی هەژموون گەراییەی چەند لایەن و هێزێکی بەناوی پێکهاتەی عەرەبەوە بە بیانووی جیاواز دژی کەرکوکێکان پەیڕەوی ئەکەن دۆخی شارەکە زیاتر ئەشێوێنێ و ئەو متمانەو برایەتیە کەمەی کە هەشە لێکی هەڵ ئەوەشێنێت،گرژێکانی ئێوارەی ئەمڕۆش جارێکی تر  دەرئەنجامی بەکەم بینینی کوردو هەوڵی فەرزکردنی هەژموون و ئیرادەی لایەنەکە بەسەر لایەنێکی رەسەنی  پێکهاتەی شارەکە، بەداخەوە سیاسەتی داگیرکردنی جادەو شەقامە گشتێکان لە ناو جەرگەی گەڕەکە کوردێکاندا درێژکردنەوەی هەمان سیاسەتی هەژموون گەراییەو هەر جارەی بەبیانوویەک ئەنجامی ئەدەن،

ئێمە پێمان وایە هەموو هێزێکی  نیشتیمانی بە پێ دەستور مافی بارەگا و هەڵسوڕانی سیاسی هەیە ڕێگری لە کردنەوەی بارەگاکانیش  دژی دەستورە ،  داوا ئەکەین هەرچی زووە پەلە بکرێت لە هێورکردنەوەی دۆخەکەو ئەو لایەنانەی دۆخی شارەکەیان چەندین ڕۆژە شێواندوە ڕوبەڕووی یاسا بکرێنەوە، لەگەڵ ئەوەشدا پێویستە حکومەتی عێراق هاوسەنگی لە بەڕێوەبردنی ئەو شارەدا ڕەچاوبکات و هیچ پێکهاتەیەک فەرامۆش نەکرێت ، لە کۆتایدا پێویستە دەسەڵاتی لۆکاڵی کەرکوک بە زووترین کات لیژنەیەک لە سەر بەناهەق  شەهید کردنی کاکە هاوکار دروستبکات و ئەنجامدەرانی ڕووبەڕووی دادگا بکرێتەوە.

دەستەی گشتی ناوچە کوردستانیەکانی دەرەوەی ئیدارەی هەرێم

PUKMEDIA