"پارتی له‌ڕ‌ێگای حكومه‌ته‌ شكستخوارتووه‌كه‌یه‌وه‌ ھه‌وڵی ھه‌نارده‌ی كێشه‌ ده‌دات بۆ كه‌ركوك"

PUKMEDIA

کەرکوک

پارتی دیموكراتی كوردستان هه‌وڵی نانه‌وه‌ی پشێوی و دروستبوونی كێشه‌ له‌كه‌ركوك ده‌دات، مه‌ڵبه‌ندی دووی رێكخستنی كه‌ركوكی یه‌كێتیی نیشتمانیی كوردستانیش له‌ روونكردنه‌وه‌یه‌كدا ئاماژه‌ بۆ ئه‌وه‌ده‌كات: "پارتی له‌ ر‌ێگای حكومه‌تی شكستخواردوی تاككڕ‌ه‌وی ھه‌رێمه‌وه‌، ھه‌وڵده‌دات كێشه‌كان، ھه‌نارده‌ی كه‌ركوك بكات و بۆ ئه‌و مه‌به‌سته‌ش كێشه‌و سیناریۆی جۆراوجۆر له‌كه‌ركوك دروسته‌كات، به‌ڵام دڵنیایان ده‌كه‌ینه‌وه‌ كه‌ رێگا‌ ناده‌ین مه‌رامی نه‌یاران جێبه‌جێبكرێت و ئاژاوا و كێشه‌ بۆ شاره‌كه‌مان دروستبێت".

ده‌قی روونكردنه‌وه‌كه‌..

به‌داخه‌وه‌ ماوه‌ی چه‌ند رۆژێكه‌، به‌مه‌به‌ست و سیناریۆی جۆراو جۆر، پارتی دیموكراتی كوردستان و چه‌ند لایه‌نێكی شۆڤێنی كه‌ركوك،  كێشه‌ و گرفت بۆ ھاووڵاتیانی كه‌ركوك درووستده‌كه‌ن.

ئێمه‌ وێرای ئه‌وه‌ی له‌گه‌ڵ داخستنی رێگای سه‌ره‌كی كه‌ركوك - ھه‌ولێر، نین و له‌ رێگای كه‌ناڵه‌ سیاسی و دیبۆلماسییه‌ جیاوازه‌كانه‌وه‌، ھه‌وڵی جدیمان داوه‌ و سێ سه‌رۆكایه‌تییه‌كه‌ی عیراقمان لێ ئاگادار كردۆته‌وه‌، بۆ كردنه‌وه‌ی ئه‌و ڕ‌ێگایه‌، چاره‌سه‌ركردنی كێشه‌كان به‌ دیالۆگ و لێكتێگه‌یشتن، به‌شێوه‌یه‌ك له‌ خزمه‌تی ھاوڵاتیانی كه‌ركوك بێت.

لێره‌وه‌ بۆ كۆمه‌ڵانی خه‌ڵكی كه‌ركوك و ڕ‌ای گشتی، رایده‌گه‌یه‌نین:
-  پارتی، له‌ ڕ‌ێگای حكومه‌تی شكستخواردوی تاككڕ‌ه‌وی ھه‌رێمه‌وه‌، ھه‌وڵده‌دات كێشه‌كان، ھه‌نارده‌ی كه‌ركوك بكات، به‌تایبه‌ت كه‌ روونبۆته‌وه‌ سه‌رجه‌م ئه‌و كه‌سانه‌ی له‌ نێو خۆپیشاندانه‌كانن له‌ ھه‌ولێره‌وه‌ ئاڕ‌استه‌ ده‌كرێن، و ده‌یانه‌وێت، كێشه‌ و پشێوی له‌ نێو نه‌ته‌وه‌كانی شاره‌كه‌ درووستبكه‌ن، به‌ڵام خه‌ڵكی كه‌ركوك به‌ سه‌رجه‌م نه‌ته‌وه‌ و پێكھاته‌ ڕ‌ه‌سه‌نه‌كانی زۆر ھوشیارن و له‌ مه‌رامی ناحه‌زان تێگه‌یشتون.
- پارتی و ئه‌و لایه‌نه‌ شۆڤێنییه‌ عه‌ره‌بی و توركمانانه‌، كه‌ ھاوپه‌یمان و دۆستی یه‌كترن، كێشه‌یان باره‌گا نییه‌، چونكه‌ له‌ ئێستادا باره‌گای لق و ناوچه‌كانی چۆڵكراون، به‌ڵام به‌مه‌به‌ست ناگه‌ڕ‌ێته‌وه‌ ، و ده‌یانه‌وێ به‌و بیانووه‌، ئاسایشی كۆمه‌ڵایه‌تی كه‌ركوك تێكبده‌ن.
جارێكی دیكه‌ دڵنیای به‌ ھه‌موولایه‌ك ده‌ده‌ین، كه‌ ئارامی و خۆشگوزه‌رانی ھاوڵاتیانمان ھێڵی سوورن،   ته‌واوی ھه‌وڵه‌كانی خۆمان ده‌خه‌ینه‌ گه‌ڕ‌ بۆ چاره‌سه‌ركردنی كێشه‌كان، رێگه‌ ناده‌ین مه‌رامی نه‌یاران جێبه‌جێبكرێت و ئاژاوا و كێشه‌ بۆ شاره‌كه‌مان درووستبێت.  

مه‌ڵبه‌ندی دووی ڕ‌ێكخستنی كه‌ركوكی
  یه‌كێتیی نیشتمانیی كوردستان
       2/9/2023