مەڵبەندی هەولێر:پێویستە روناکبیران ناوێکی نوێ بۆ ئەم رۆژە شوومە بدۆزنەوە

PUKMEDIA

شەهیدانی ٣١ی ئاب

مەڵبەندی 3 ی هەولێر لە راگەیەنراوێکدا یادی شەهیدانی بەرەنگاربوونەوەی سوپای عیراق دەکاتەوەو رایدەگەیەنێت:"لەڕۆژی یادکردنەوەی شەهیدانی بەرەنگاربوونەوەی حەرەس جمهوری بەعسی بائید و پاراستنی هەولێر لەڕۆژی شوومی 31 ئاب ، یادی شەهیدان بەرز ڕادەگرین و لەهەمان کاتیشدا پێویستە ڕوناکبیران و نوسەران و زانکۆکانی کوردستان ، بەدوای ووشەیەکدا بگەڕێن و ناوێکی نوێ بۆ ئەو رۆژە شوومە و بکەرەکانی بدۆزنەوە".

دەقی راگەیەنراوەکە:

یادی شەهیدانی بەرەنگاربوونەوەی سوپای عێراق لە رۆژە شوومەکەی 31 ئاب 

یەکێتیی نیشتمانیی کوردستان وەك هێزێکی خۆکردی ناو هەناوی کوردەواری ، تێکۆشانی لەپێناو نەتەوەکەی و بەگژاچوونەوەی هەموو داگیرکەرانی کوردستان و خوێنی شەهیدەکانی بەڵگەی دیارو ڕوونی ناو لاپەڕە پڕشنگدارەکانی مێژووی کوردایەتین .

دەستکەوتە وەدیهاتووەکانیشی لەدەسپێکی شۆڕشی نوێ تا ڕاپەڕین ، بەڵگەی زیندووی هەموو سەردەمەکانن ، بەهەناسەی بۆگەنی ئەحمەقەکانی بەناو کوردایەتی و گەندەڵە کەوا پیسەکانی بەر لەشکری بێگانە پیس و بۆز نابێت .

لەڕۆژی یادکردنەوەی شەهیدانی بەرەنگاربوونەوەی حەرەس جمهوری بەعسی بائید و پاراستنی هەولێر لەڕۆژی شوومی 31 ئاب، یادی شەهیدان بەرز ڕادەگرین و لەهەمان کاتیشدا پێویستە ڕوناکبیران و نوسەران و زانکۆکانی کوردستان ، بەدوای ووشەیەکدا بگەڕێن و ناوێکی نوێ بۆ ئەو رۆژە شوومە و بکەرەکانی بدۆزنەوە، کە بەدوای لەشکر و تانك و زیلی دوژمن و داگیرکەر کەوتن بۆ کوشتنی ڕۆڵەکانی  کوردستان  .

درود بۆ گیانی پاکی شەهیدان .

ڕاگەیاندنی مەڵبەندی 3 ی هەولێر
٣١ ئابی ٢٠٢٣

PUKMEDIA