رەوەند مەلا مەحمود: پێویستە پارتی واز لە سیناریۆ بهێنێت

PUKMEDIA

رەوەند مەلا مەحمود

ئەندامێکی سەرکردایەتی یەکێتی رایدەگەیەنێت، "پارتی لە کەوکوک جەماوەری نییە و مووچەخۆری هەیە، هەروەها دەبێت پارتی واز لە موزایەد و سیناریۆ بھێنێت، چوونکە ئەو ئەزمەیەی پارتی لە کەرکوک درووستیکردوە، بۆ ئەوەیە خیانەتی 31ـی ئاب لە بیری ھاووڵاتیان بباتەوە"

لایەنێک دەیەوێت ئاسایشی کەرکوک تێکبدات

رەوەند مەلا مەحمود، ئەندامی سەرکردایەتی و لێپرسراوی مەڵبەندی دووی رێکخستنی کەرکوک، لە پانۆرامای کەناڵی كوردسات نیوز رایگەیاند : "لایەنێک لە رێیی بەکرێگرتنی خەڵک و ھەڵدانی خێمەوە دەیەوێت ئاسایشی کەرکوک تێکبدات".

"لە ناو ئەو بینایەی پارتی داوای دەکاتەوە، پاراستن دەوامی تێدەکەن، ئەگەریش پارتی ئەو بینایە بە ھی خۆی دەزانێت، بۆچی فوئاد حوسێن کە جێگر سەرۆکی حکومەتە، بێدەنگە و شاخەوان عەبدوڵڵا، کە جێگری سەرۆکی پەرلەمانە، لەسەر تانکەرێکی ئاو موزایەدە دەکات، ئەی بۆجی لەسەر بیناکەی خۆیان بێدەنگە و ھەڵوێستی نییە"، رەوەند مەلا مەحمود وادەڵێت.

پارتی دەیەوێت خیانەتی 31ی ئاب لە بیری هاووڵاتیان بباتەوە

لێپرسراوی مەڵبەندی دووی رێکخستنی کەرکوک دەشڵێت: "پارتی جەنجاڵی زۆری بۆ کەسابەتی ھاوڵاتیانی کەرکوک درووستکردووە، ئەو لایەنانەش کە رێگەی کەرکوک - ھەولێریان داخستوە دۆستەکانی پارتین، بۆیە پێویستە پارتی واز لە موزایەد و سیناریۆ بھێنێت، چوونکە رەوشی کەرکوک بەرگە ناگرێت، هەروەها ئەو ئەزمەیەی پارتی لە کەرکوک درووستیکردوە، بۆ ئەوەیە خیانەتی 31ـی ئاب لە بیری ھاووڵاتیان بباتەوە"

"خەمیس خەنجەر کە ماڵی لە ھەولێرە و ھاوپەیمانی پارتیە و بەرەی تورکمانی کە ئایدن مەعروف ئەندامی مەکتەب سیاسیانە و لە ھەولێر ھاوپەیامنی پارتیە، لە پشت ئەو کەسانەن کە خێمەیان ھەڵداوە و رێگاکانیان داخستوە"، رەوەند مەلا مەحمود وادەڵێت.

وتیشی: "پارتی لە کەرکوک جەماوەریی نییە، بەڵکو مووچە خۆری ھەیە، ئەوەش ناچاریان دەکات تاکو دەنگیان پێبدەن، پارتی گەر جەماوەری ھەبوایە خۆپیشاندانیان دەکرد بۆ لادانی خێمەکان".
PUKMEDIA