ژمارەی بەشداربووانی پێنجەمین کۆنگرەی یەکێتی ٦٠٠ ئەندام دەبێت

PUKMEDIA

لۆگۆی یەکێتیی نیشتمانیی کوردستان

مەکتەبی سیاسی یەکێتی بڕیاریدا کە ئەندامانی پێنجەمین کۆنگرەی یەکێتی ٦٠٠ ئەندام بن وتەبێژی تایبەتی کاروبارەکانی پێنجەمین کۆنگرەی یەکێتی_یش دەڵێت:"هەریەک لە ئەندامانی ئەنجومەنی باڵا و مەکتەبی سیاسی و سەرکردایەتی بەشدار دەبن و بەشێکیش لەئەندامان جێگیرن".

تەلار لەتیف وتەبێژی تایبەتی کاروبارەکانی پێنجەمین کۆنگرەی یەکێتی بە سایتی رسمیی یەکێتیی نیشتمانیی کوردستان PUKMEDIA ی راگەیاند:"لەکۆبوونەوەی ئەمڕۆی مەکتەبی سیاسی لەهەولێر بڕیاردرا ئەندامانی پێنجەمین کۆنگرەی یەکێتی ٦٠٠ ئەندام بن و لەکۆبوونەوەکەدا پەسندکرا، هاوکات هەریەک لە ئەندامانی ئەنجومەنی باڵا و مەکتەبی سیاسی و سەرکردایەتی بەشدار دەبن و بەشێکیش لەئەندامان جێگیرن".

"لیژنەکان میکانیزمی بەشداریکردنی ئەندامانی کۆنگرە بۆ مەکتەب و ئۆرگانەکانی یەکێتی دیاریدەکات و دواتر مەکتەبی سیاسی پەسندی دەکات، هاوکات هەفتەی داهاتوو تەواوی وردەکارییەکانی کۆنگرە پەسەند دەکرێن" تەلار لەتیف وایوت.

تەلار لەتیف وتیشی:"بەپێی پەیڕەوی هەموارکراو دەسەڵاتی پەسندکردن دوای رەزامەندی سەرۆکی یەکێتی لەلای مەکتەبی سیاسی دەبێت".

رۆژی ٢٠ی ٨ی ٢٠٢٣ بە سەرپەرشتیی بافڵ جەلال تاڵەبانی سەرۆکی یەکێتیی نیشتمانیی کوردستان، مەکتەبی سیاسی لە شاری کەرکوک کۆبووەوە و تییدا بڕیاردرا لەپێناو جۆشدانەوەی گیانی یەکێتیبوون، رۆژی ٢٧ی ٩ی ٢٠٢٣ کۆنگرەی پێنجەمی یەکێتی ببەسترێت.

PUKMEDIA