دەزگای ئاسایشی هەرێم دوو تیرۆریست دەستگیردەکات

PUKMEDIA

لۆگۆی ئاسایش

بەڕێوەبەرایەتی ئۆپراسیۆنەکانی دەزگای ئاسایشی هەرێم، لە دوو چالاکی سەرکەوتوودا لە شاری سلێمانی ( ٢ ) تیرۆریستی داعشیان دەستگیرکرد.

لە راگەیەندراوێکی بەڕێوەبەرایەتی ئاسایشی سلێمانی دا کە وێنەیەکی بۆ PUKMEDIA نێردراوە، تێیدا هاتووە: "هێزەکانی ئۆپراسیۆنی دەزگای ئاسایشی هەرێم، بە هەماهەنگی بەڕێوەبەرایەتی ئاسایشی سلێمانی، دوای کۆکردنەوەی زانیاری و چاودێریکردنی شوێنی داواکراوان، بە بڕیاری دادوەری لێکۆڵینەوەی ئاسایش لەدوو ئۆپراسیۆنی جیادا لەشاری سلێمانی، لەشەوی ٢٠٢٣/٨/٢٥ توانرا تیرۆریستان ( س، أ، ص ) و ( ف، ح، م )دەستگیربکەن، یەکێک لە تیرۆریستان لەپێشتردا لەناو ریزەکانی داعشدا بریندارکراوە".

لە راگەیەندراوەکەشدا هاتووە: "لەئێستادا بەفەرمانی دادوەر بەماددەی (٢)لەیاسای بەرەنگاربونەوەی تیرۆر ڕاگیراون و ڕادەستی یاسا کران".
PUKMEDIA