ژماره‌یه‌ك بازرگان و به‌كارهێنه‌ری مادده‌ی هۆشبه‌ر ده‌ستگیر ده‌كرێن

PUKMEDIA

لۆگۆی ئاسایش

ده‌زگای ئاسایشی هه‌رێم ده‌ستبه‌سه‌رداگرتنی شه‌ش كیلۆگرام مادده‌ی هۆشبه‌ر و ژماره‌یه‌ك بازرگان و به‌كارهێنه‌ری مادده‌ی هۆشبه‌ر ڕ‌اده‌گه‌یه‌نێت.
  
به‌ڕ‌ێوه‌به‌رایه‌تی ئاسایشی ڕ‌اپه‌ڕ‌ین له‌ راگه‌یه‌نراوێكدا كه‌ كۆپییه‌كی بۆ PUKMEDIA نێدراوه‌ رایگەیاندووە:"به‌ هه‌ماهه‌نگی له‌گه‌ڵ به‌ڕ‌ێوه‌به‌رایه‌تی ئاسایشی سلێمانی، پێنج بازرگان و به‌كارهێنه‌ری مادده‌ی هۆشبه‌رمان ده‌ستگیركرد و ده‌ستمانگرت به‌سه‌ر بڕ‌ی ( ٦٠٠٠ )گرام مادده‌ی هۆشبه‌ر له‌ جۆره‌كانی (ماریجوانه‌ و شیشه‌).

له‌ راگه‌یه‌نراوه‌كه‌دا ئه‌وه‌شخراوه‌ته‌ڕوو:" تۆمه‌تباران كه‌ پێكهاتبوون له‌ ( ئ، ڕ‌، س ) له‌دایكبووی ١٩٦٩ و  ( ئ، ن، ی ) له‌دایكبووی  ١٩٨٣ و ( ئ، ق، ئ ) له‌دایكبووی ١٩٨٥ و ( ه، ن، ح ) له‌دایكبووی ١٩٩٤ و ( ئ، ن، ن ) له‌دایكبووی ١٩٩٦، له‌ ئێستادا به‌مادده‌كانی (٢٥ و ٢٦ و ٣٠ ) راگیراون و لێكۆڵینه‌وه‌ له‌ دۆسیه‌كانیان به‌رده‌وامه‌.

PUKMEDIA