سەرۆككۆمار جەخت لە بەهێزكردنی پەیوەندییەكانی نێوان عیراق و چین دەكاتەوە

نووسینگەی راگەیاندنی سەرۆكایەتی كۆمار

سەرۆككۆمار و باڵیۆزی كۆماری گەلی چین لە عیراق

د. لەتیف جەمال رەشید سەرۆككۆماری عیراق  رۆژی 20-8-2023، پێشوازی لە تسۆی وی باڵیۆزی كۆماری گەلی چین لە عیراق كرد.

لەسەرەتای دیدارەكەدا سەرۆككۆمار سڵاو رێزی سەرۆك كۆماری چین شی چی بینگی پێگەشت و ئەویش سڵاوی خۆی لە رێگای باڵیۆزەوە ئاڕاستەی سەرۆككۆمار و سەركردایەتی چین كرد و هیوای بەردەوامی پێشكەوتن و خۆشگوزەرانی بۆ گەلی چین خواست.

هەروەها پیرۆزبایی لە گەلی عیراق و چین كرد بەبۆنەی شەست و پێنجەمین ساڵیادی پەیوەندییە دیپلۆماسییەكانی نێوان هەردوو وڵات و  جەختیشی لە گرنگی بەهێزكردنی پەیوەندییەكانی نێوان عیراق و چین كردەوە بەتایبەتی لەبوارەكانی ئابووری و بازرگانی و فراوانكردنی ئاسۆی هاریكاری هاوبەش بۆ بەدیهێنانی بەرژەوەندییە هاوبەشەكانی هەردوو وڵات.

هەر لە دیدارەكەدا، هانی رەخساندنی هەلی وەبەرهێنانیدا لە وڵات  و پێویستی بەشداریكردنی كۆمپانیا چینیەكان بۆ كاركردن لە عیراق، هاوكات دووپاتی لەبەرزكردنەوەی ئاستی ئەو خزمەتگوزاریانە كردەوە كەگرنگن سەبارەت بە پڕۆگرام و سیاساتی حكومەت .  

لەلای خۆیەوە باڵیۆزی چین، سوپاس و پێزانینی خۆی بۆ سەرۆككۆمار دەربڕی و ئاماژەی بەوەدا: "كە چین بە پەرۆشە بۆ پەرەپێدان و بونیادنانی پەیوەندییە مێژوییەكانی لەگەڵ عیراق و ئەو ئەنجامە بەرهەمدارانەی كە بەدەست هاتوون لە عیراق لە رێگای هەزاران كرێكار و ئەندازیارەوە كە لەعیراق كار دەكەن ئەمە جگە لە كۆمپانیاكانی چینی كەكۆمەڵێك پڕۆژەی گرنگ ئەنجام دەدەن لەعیراق".

PUKMEDIA