شاخەوانێکی کرماشانی وێنەی مام جەلال دەباتە سەر بەرزترین شاخی ئێران

PUKMEDIA

رەزا رەحمەتیان

شاخەوانێکی کرماشانی بۆ دووەم جار وێنەی مام جەلالی لە سەر بەرزترین شاخی ئێران هەڵکرد.

‎بە پێی راپۆرتێکی ئاژانسی جام کوردی، رەزا رەحمەتیان شاخەوانی کرماشانی لە گەشتێکی یەک رۆژەدا سەرکەوتووانە لە رێگەی رۆژئاواوە، شاخی دەماوەندی بە بەرزی 5761 مەتر بڕی و وێنەی مام جەلالی لە سەر بەرزترین شاخی ئێران هەڵکرد.

‎ئەم شاخەوانە کرماشانییە کە لە گەشتێکی پێشوودا وێنەی مام جەلالی لە سەر بەرزترین شاخی وڵاتی فەرەنسا هەڵکردبوو، بەم شێوەیە خۆشەویستی خۆی بۆ کەسایەتی مام جەلال دووپات کردوەتەوە.

‎رەزا رەحمەتیان رایگەیاند: "دەمەوێت وێنەی مام جەلال ببەمە سەر لوتکەی بەرزترین شاخەکانی جیهان".
PUKMEDIA