سەرۆک بافڵ: نیاز دەرگەڵەیی خەباتگێڕ و راستگۆ بوو

PUKMEDIA

سەرۆک بافڵ

‎سەرۆکی یەکێتیی نیشتمانیی کوردستان، بۆ شەھیدکردنی نیاز دەرگەڵەیی فەرماندە و پێشمەرگەی دێرین و ئەندامی پێشووی ئەنجوومەنی ناوەندی لە پرسەنامەیەکدا سەرەخۆشی لە کەسوکار و خانەوادەکەی دەکات و دەڵێت: "شەهیدكردنی هەڤاڵ نیاز دەرگەڵەیی لە رووداوێكی گوماناویدا مایەی نیگەرانی ئێمەیە و هەموو لایەنە ئەمنییەكانیش راسپێردراون بەزووترین كات تاوانباران ئاشكرا بكەن و رووبەڕووی دادگا بكرێنەوە".

دەقی پرسەنامەکە... 

شەهیدکردنی فەرماندە و پێشمەرگەی دێرین هەڤاڵ نیاز دەرگەڵەیی، ئەندامی پێشووی ئەنجوومەنی ناوەندی لە دڵەوە نیگەرانیكردین.

‎بۆ ئەم خەمە قووڵە پرسە و سەرەخۆشی خۆم ئاڕاستەی كەسوكار و بنەماڵە سەربەرزەكەی دەكەم كە نموونەی باڵای خەبات و تێكۆشانن لەپێناو كوردستان.


‎کاک نیاز لە بنەماڵەیەکی دیار و خەباتگێڕی دەڤەری باڵەکایەتی بوو، ئەرك و بەرپرسیارێتییەكانی بە ئەوپەڕی راستگۆییەوە رادەپەڕاند. شەهیدكردنیشی لە رووداوێكی گوماناویدا مایەی نیگەرانی ئێمەیە و هەموو لایەنە ئەمنییەكانیش راسپێردراون بەزووترین كات تاوانباران ئاشكرا بكەن و رووبەڕووی دادگا بكرێنەوە

‎خوای گەورە هەڤاڵی كۆچكردوومان بە بەهەشتی بەرین شاد بكات و سەبووری بەهەموولایەك ببەخشێت.

‎
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان

PUKMEDIA