هەڵبژاردن خەڵکانێکی توشی شڵەژان کردووە

PUKMEDIA

د.مەجید حمدامین

نوسینی...د. مەجید حمدامین 

ئێمە ئاگادارین ماوەیەکە ترسی هەڵبژاردن خەڵکانێکی توشی شڵەژان و پەلەقاژێ کردوەو بەهەموو شێوەیەک دەیانەوێ ڕێڕەوی ڕاستەقینەی دەنگدانی خەڵک بەئاڕاستەی چەواشەکارانە دا ببەن و ئەو شکستە معنویەو دەروونیەی توشییان بووە بەناوی ڕاپرسی ساختەوە دڵی خۆیان خۆش بکەن و نەفەسێک بدەنەوە خۆیان، لەکاتێکدا ئەو ڕاپرسیانە زۆر بە ئاشکرا دیارە کە لە نێوان دوو دیواری ژورێک و بەچەند قەڵەمێک پڕدەکرێنەوە بێ ئەوەی هیچ بنەمایەکی زانستی تێدابی لە جۆری ئەنجامدانی پێوەری ڕاپرسی هەر ڕێک لەوە دەچێ لەبارەگایەکی حیزبی پڕ بکرێتەوە.

بڵاو کردنەوەی ئەو ڕاپرسیانە پێشوتریش تاقی کراونەتەوە هیچ بەهایەکیان نەبووەو ژمارەکانیش زۆر پێچەوانەبوون و ئەو دەستانەش ئاشکران و ئەو کارە سواوانەش سودی نەبووە.

ئێمە باش دەزانین و ئاگادارین ئەوانەی ئەو ڕاپرسیانە بەو جۆرە بەرنامە بۆ داڕێژراوە بڵاو دەکەنەوە کوێیان دێشی و چۆن توشی هستریا بون بەرامبەر بە جۆش و خرۆشی  جەماوەرو دەنگدەرانی یەکێتی و چونیان بۆ تازە کردنەوەی کارتی بایۆمەتری و لەوەش تێ دەگەین بۆ لەو تەوقیتە ئەو کارە دەکەن، چونکە دڵنیاین لەخۆوە نیە و ئاگاداری پلان و هەوڵەکانی یەکێتین بۆ جۆشدانی خەڵک بۆ سەر سندوقەکانی دەنگدان .

 جگە لەوەش دەیانەوێ وا پیشان بدەن کە ڕێژەی زۆری خەڵک ئێستا لەوبارودۆخەی ژیان و گوزەران و خزمەتگوزای و سیستەمی حوکمڕانی ڕازین لەکاتێکدا بێ هیچ ڕونکردنەوە و  خوێندنەوەیەک واقع دیارە چی دەگوزەرێ و ژیانی خەڵکیش لە ئاستێکدایە، بۆیە ئەو جۆرە ڕاپرسیانە هیچ کاریگەری لەسەر مەعنەویاتی جەماوەری یەکێتی و خەڵکی تریش نابێ و بڕیاری پێش وەختەش بۆ دیاریکردنی ڕێژەی دەنگدان جگە لە فاڵگرتنەوەک و دڵخۆش کردنی خۆیان هیچی تر نیەو شوکر هۆشیارە خەڵک و بەچاوی سەرو ویژدانیش ئەوجارە دەزانن سەنگی چونیان بۆ سەر سندوقەکانی دەنگدان چەند گرنگ و چارەنوسسازە بۆ گۆڕانگاری گەورەی لە ژیانی سیاسی و حوکمڕانی .

نا واقعی خوێندنەوەو خەیاڵ و ڕپراپرسی ساختە ئەو کارانەش خەڵک ساردناکاتەوە بەوەی بڵێن کە لە ئێستاوە دەرەنجام وابێ دەنگدان و چونمان چ بەهایەکی هەیە، بەڵکو بەپێچەوانەوە پێمان وایە ئەوجارە سەرانی ئەو ڕاپرسیانە توشی شۆک دەبن و ڕەنگە ڕویان نێ جارێکی تر نەتوانن خۆیان لەقەرەی گرەوی وا بدەن چونکە ئیدی دەنگدەر و شێوازی هەڵبژاردنەکان زۆر شت دەگۆڕن.

PUKMEDIA