باڵیۆز د. محەمەد سابیر: سیمپۆزیەمی پەیپەرەنایابەكان ئەزمونێكی ناوازەیە
کوردستان 10:43 AM - 2023-08-17بەڕێوەچوونی شەشەمین سیمپۆزیۆمی پەیپەرەنایابەكان
لە زانكۆی سلێمانی شەشەمین سیمپۆزیۆمی پەیپەرەنایابەكان لەسەر ئاستی هەرێم و عیراق دەستیپێكرد كە بۆ یەكەم جارە لەسەر ئاستی عیراق بەڕێوەدەچێت و تێیدا باشترین 10 پەیپەری توێژینەوەی زانستی هەڵدەبژێردرێن و خەڵات دەكرێن، سەرۆكی دامەزراوەی سەرۆك جەلال تاڵەبانی-یش رایدەگەیەنێت: "ئەم پێشبڕكێ ئەكادیمییە ئەزمونێكی ناوازەیە بۆ پەرەپێدانی توانای توێژینەوە و لێوەشاوەیی پسپۆڕان".
ئەمڕۆ 17-8-2023، بە ئامادەبوونی د. هەڤاڵ ئەبوبەكر پارێزگاری سلێمانی و ئازاد حەمەئەمین سەرۆكی ئەنجومەنی پارێزگای سلێمانی و د. كۆسار محەمەد سەرۆكی زانكۆی سلێمانی و مامۆستایانی ئەكادیمی و توێژەران، لە زانكۆی سلێمانی شەشەمین سیمپۆزیۆمی پەیپەرەنایابەكان لەسەر ئاستی هەرێم و عیراق دەستیپێكرد، لە دەستپێكی سیمپۆزیۆمەكەشدا باڵیۆز د. محەمەد سابیر سەرۆكی دامەزراوەی سەرۆك جەلال تاڵەبانی وتارێكی پێشكەش كرد و رایگەیاند: "لە دڵەوە پیرۆزبایی ئەم چالاكییە زانستیی و پێشبڕكێ ئەكادیمییەتان لێدەكەم كە ئەزمونێكی ناوازەیە بۆ پەرەپێدانی توانای توێژینەوە و لێوەشاوەیی پسپۆڕان، هاوكات دەرفەتێكی گرنگە بۆ بەرزكردنەوەی ئاستی زانستی و خۆماڵیكردنی ئەو تەقەلاو هەوڵانەی كە جێپەنجەیان بەسەر ئایندەی زانكۆ و پەیمانگاكانەوە دیارە".
"وەك دامەزراوەی سەرۆك جەلال تاڵەبانی خۆشحاڵین لەگەڵ زانكۆی سلێمانی و رێكخراوی كەیساین بەشدار و هاوكاريی ئەم دەرفەتە دەكەین و بە بەشێكی رەسەنی كار و ئامانجی دامەزراوەكەمانی دەزانین، لەبەرنامە و پەیام و ئاڕاستەی كاركردنمادا، گەشەپێدانی توانا مرۆیی و زانستییەكانی ئەكادیمانی كورد، بەتایبەت لاوان و كچان و كوڕانی زانكۆ و پەیمانگاكانی كوردستان و عیراقیشەوە بەگرنگ دەزانین " باڵیۆز د. محەمەد سابیر وادەڵێت.
راشیگەیاند: "ئەم ئاڕاستەیە بەشێكە لە پەیام و دنیابینی سەرۆك مام جەلال لە دەستپێكی خەباتی سیاسی و لە میانەی بەشداری قوڵی لە چاكەی گشتی كۆمەڵانی كوردستان و عیراق، هەر لە سەرەتای دەستپێكردنی تێكۆشانی سیاسی تا دەورانی سەرۆككۆماری لە بەغدا، لە خەباتی پێشمەرگایەتیشدا دەیان دەرفەتی زەمالە و تەواوكردنی خوێندنی باڵای بۆ گەنجانی تێكۆشەر لە وڵاتانی هەنگاریا، سۆڤییەت، فەڕەنسا، ئیتاڵیا دابینكرد".
لە درێژەی وتارەكەیدا سەرۆكی دامەزراوەی سەرۆك جەلال تاڵەبانی راشیگەیاند: "باوەڕی مام لەسەر بونیادنانی زانكۆ و دامەزراوە زانستییەكان و پاراستنی سەربەخۆیی حەرەمی زانكۆ و زانست و پایەداركردنی سەربەستی لێكۆڵینەوەی ئەكادیمی و فكری و پاراستنی ویژدانی زانستی و ئەدەبی و ئەكادیمی وڵات بونیاد نراوە، كە هەر تەنها ئەم بژاردەیەیە سەنگی زانكۆ و پەیمانگا و دامەزراوە ئەكادیییەكان دەپارێزێت".
وتیشی: "دامەزراوەی سەرۆك جەلال تاڵەبانی لەسەر بنچینەی ئەو كەلتورە دەوڵەمەندەی سەرۆك مام جەلالە، كە لە وێستگەی جیاجیادا بەنیازی دابینكردنی چانسی خوێندن و ناردنەدەرەوەی خوێندكارانی خوازیار بۆ دەرەوەی وڵات بە مەبەستی خوێندن، مام جەلال وەك لە ژیانیدا هۆكاری گەشە و پێشكەوتنی وڵاتەكەی بوو، لەڕێی ئەم دامەزراوەیەشەوە لەباریدایە دەروازەی گەشەپێدان لەبەردەم بەهرەمەنداندا بكاتەوە، بۆیە دامەزراوەكەمان یاداشتی لێكتێگەیشتنی لەگەڵ سەرجەم زانكۆكانی سنووری پارێزگای سلێمانی و ئیدارە سەربەخۆكانی گەرمیان و راپەڕین ئیمزا كردووە".
پێشتریش د. یۆهان عوسمان حەمە بەرپرسی بەشی راگەیاندنی زانكۆی سلێمانی بە سایتی رەسمی یەكێتیی نیشتمانیی كوردستان PUKMEDIA ی راگەیاند: "سمپۆزیۆمەكە بۆ هەڵبژاردنی باشترین 10 پەیپەری توێژینەوەی زانستی لەسەر ئاستی هەرێم و عیراق، بەبەشداری بەرپرسانی باڵای حكومی كوردستان و عیراق لە هۆڵی كۆنگرێسی كەمپی نوێی زانكۆی سلێمانی بەڕێوەدەچێت، كەلەلایەن زانكۆی سلێمانی و رێكخراوی كەیساین و دامەزراوەی سەرۆك جەلال تاڵەبانی و مایۆركا سیتییەوە رێكخراوە".
"پەیپەرەكانی توێژینەوە لە كۆی زیاتر لە (20،000) بیست هەزار توێژینەوە كە لە ساڵی 2022 بڵاوكراونەتەوە لە سەرتاسەری هەرێمی كوردستان و عیراقدا وەرگیراوەو ئەمە بۆ یەكەم جارە لەسەر ئاستی عیراق چالاكییەكی لەم شێوەیە ئەنجام بدرێت كە هەموو توێژینەوەكانی عیراق لە خۆبگرێت و تیایدا یەكەمەكان دیاریبكرێن"، د. یۆهان وای وت.
ئاماژەی بەوەشكرد: "هەر لەم بۆنە زانستییەدا خەڵاتی گەنجترین توێژەر و چالاكترین توێژەری ژن دەكرێت، لەسەر بنەمای ژمارە و بڵاوكردنەوەی توێژینەوەكانیان".
شەشەمین سیمپۆزیەمی پەیپەرەنایابەكان كە بۆنەیەكی زانستی ساڵانەیە، ئامانج لێی ناساندنی توێژەران و پێشخستنی توێژینەوەی زانستییە لە كوردستان و عیراقدا، ئەمساڵ بۆیەكەمین جارە كەلەرێگەی پێوەرێكی زانستییەوە پەیپەرەكان جیادەكرێنەوە و پلەبەندیان بۆدەكرێت، كە ژمارەیەك مامۆستا دیارییان كردووە لە رێكخراوی (Kscien)ن و بەسەر چوار ئاستدا دابەش كراوەو لەسایتەكەی خۆیان بڵاویان كردووەتەوە.
PUKMEDIA
هەواڵی زیاتر
-
لوتكهی تهندروستی كوردستان لهسلێمانی بهڕێوهدهچێت
12:07 PM - 2024-05-02 -
دژەتیرۆر تیرۆرستێک دەستگیر دەکات
10:11 AM - 2024-05-02 -
گهنمی جوتیارانی ههرێم به 2 ترلیۆن دینار دهخهمڵێندرێت
01:35 PM - 2024-05-01 -
سەرۆک بافڵ: کرێکاران پایەیەکی سەرەکی کۆمەڵگەن
01:05 PM - 2024-05-01
ئەمانەش ببینە
زیاد جەبار: هەرێم پێویستی بە حکومەت و پەرلەمانێکی کارایە
11:31 AM - 2024-05-02
مەکتەبی سیاسی یەکێتی :بەگژ هەر هەوڵێکی ناڕەوای دواخستنی هەڵبژاردندا دەچینەوە
08:38 PM - 2024-05-01
وتەبێژی کۆمسیۆن: ئامادەکاریەکانمان بۆ هەڵبژاردنی پەرلەمانی کوردستان بەردەوامە
03:07 PM - 2024-05-01
رێواز فایهق: نابێت دهرفهتی ههڵبژاردن لهدهستبدهین
10:50 AM - 2024-05-01
زۆرترین خوێنراو
-
یهكێتی نیشتمانی كوردستان و توركمانهكان
بیروڕا 11:50 AM - 2024-05-02 -
زیاد جەبار: هەرێم پێویستی بە حکومەت و پەرلەمانێکی کارایە
کوردستان 11:31 AM - 2024-05-02 -
دژەتیرۆر تیرۆرستێک دەستگیر دەکات
کوردستان 10:11 AM - 2024-05-02 -
مەکتەبی سیاسی یەکێتی :بەگژ هەر هەوڵێکی ناڕەوای دواخستنی هەڵبژاردندا دەچینەوە
کوردستان 08:38 PM - 2024-05-01 -
شاڵاو کۆسرەت رەسوڵ بەشداری پرسەیەک دەکات
پرسەنامە 06:11 PM - 2024-05-01 -
قوباد تاڵهبانی: ئهرسهلان بایز ههمووكات قهڵهم و دهنگێكی راستگۆ بووه
ی ن ک 05:29 PM - 2024-05-01 -
وتەبێژی کۆمسیۆن: ئامادەکاریەکانمان بۆ هەڵبژاردنی پەرلەمانی کوردستان بەردەوامە
کوردستان 03:07 PM - 2024-05-01 -
گهنمی جوتیارانی ههرێم به 2 ترلیۆن دینار دهخهمڵێندرێت
کوردستان 01:35 PM - 2024-05-01