قوباد تاڵەبانی بریارە دروستەکەیدا..

PUKMEDIA

رێبین عومەر

رێبین عومەر

 قوباد تاڵەبانی جێگری سەرۆكوەزیرانی هەرێم لە نیوڕەۆیەكی مانگی ئابدا كە پلەكانی گەرما لە هەوراز 40 پلەی سیلیزییەوە بوون، بە مەیدانی سەردانی پڕۆژەی شەقامی 100 مەتری سلێمانی كرد، لە نزیكەوە لە كێشەكانی بەردەم پڕۆژەكەی كۆڵییەوە، سوریش بوو كە ئەم پڕۆژە گرنگە نابێت لەمپەڕ و سستی لە بەردەمدا بێت.

بڕیار بوو پرۆژەكە لە 1100 رۆژدا تەواوبكرێت كە 20ی 9ی 2020 تێیدا دەست بەكاركردن كرا، بەڵام هێشتا تەواو نەكراوە و هۆكار و لەمپەڕەكانیش سەرەكیترینیان پەتای كۆرۆنا و قەیرانی دارایی و ناجێگیریی نرخی دۆلار و دەیانی تر بوون.
 
لە تایتڵی بەردی بناغەی پرۆژەكەدا 23ی 8ی 2023 وادەی كۆتایی كارەكانی ئەم شەقامەیە، بەڵام بەگشتی هێشتا 55%ی  كارەكانی  تەواوكراوە و گرفتی راگرتنی سلفە بۆ كۆمپانیای جێبەجێكاریش وایكرد چەند جارێك كاری شەقامی 100 بوەستێت یان سست بێت.

سەردانەكەی جێگری سەرۆكوەزیران و هاندانی كاركردن و بەدواداچوون و پرسینەوە لە ئاستەنگەكان، مكوڕییەتی لە تەواوكردنی ئەم پڕۆژە ستراتیژییە، كە بە تەواوكردنی ئاسانكارییەكی گرنگ و رێخۆشكەری رێكخستنەوەی هاتوچۆیە لەلایەك، لە لایەكی دیكەش بەستەوەی رێگەكانی ترە بەم شاڕێیەوە كە دەكەونە سنووری ئەو گەڕەكانەی بەهۆی فراوانی شارە حەیاتەكەوە دروستكراون، ئەمە جگە لەوەی كە بناغەیەكی گرنگی ئاوەدانییە لە سێكتەری رێگەوبان دا.

قوباد تاڵەبانی دوای بەدواداچوونی كێشە و ئاستەنگەكان، وەك فریادڕەسی ئاوەدانی ئەم شارە، بڕیاریدا زوو  دەستبكرێت بە كاركردن و قیرتاوكردنی بەشی یەكەمی شەقامی سەد مەتری سلێمانی كە تێكڕا 32 كیلۆمەترە و لە تاسڵوجەوە تا عەربەت، بەقیرتاوكردنی قۆناغی یەكەم، یەك لەسەر سێی پرۆژەكە تەواو دەكرێت كە 10 كیلۆمەترە، جوڵاندن و خێراتر كردنی كارەكانی پڕۆژەكە لەلایەن جێگری سەرۆكوەزیران، رێگەی تەواوكردنی شارێیەكی هاتوچۆ بۆ سلێمانی خێراتر دەكات.

PUKMEDIA